алу
👈 қаріп өлшемі 👉
қосу

Өнер алды-қызыл тіл. Қарлығаш әулие. Әдебиеттік оқу, 3 сынып, нұсқаулық.


Пән: Әдебиеттік оқу

Бөлім: Өнер

Сынып: 3

Сабақ тақырыбы: Өнер алды-қызыл тіл Қарлығаш әулие

Оқу мақсаттары:

3.1.4.1 сөйлеу барысында мақал-мәтелдерді/ нақыл сөздерді, вербалды емес тілдік құралдарды қолдану

3.3.3.1 шығармашылық жұмысын сурет/сценарий түрінде ұсыну

Сабақ мақсаттары:

Барлық оқушылар: Сөйлеу барысында мақал-мәтелдердерді қолданады

Көпшілік оқушылар: Нақыл сөздерді пайдаланып, сөз өнері туралы ойын айтады

Кейбір оқушылар: Шығармашылық жұмысын сурет түрінде ұсынады

Бағалау критерийлері:

  • Мәтінді түсініп оқиды
  • Өз сөзімен түсінгенін айта алады
  • Мақал-мәтелдерді орынды қолданады
  • Сөз өнері туралы ойын жеткізе алады
  • Шығармашылық жұмыс жасайды

Сабақ барысы

Сабақтағы жоспарланған іс-әрекет

Ширату тапсырмасы: Сынып оқушылары мақал-мәтелдер жазылған қағаздар арқылы топтарға бөлінеді

Әрбір топ мақал-мәтелдің мағынасын түсіндіреді

І топ

Өнердің көптігі жоқ.

ІІ топ

Білім мен даналық-адам көркі.

ІІІ топ

Жақсының сөзі жырмен тең.

ІҮ топ

Өнерлі ел налымас,

Өнерсіз ел жарымас.

Нұсқаулық: Мақал-мәтелдерді тақырыпқа байланысты өзгертуге болады

Сабақтың ортасы:

Қосымша мәлімет

Төле би (1663 – 1756) жылы қазіргі Жамбыл облысы Шу өңірінде туған. Бала күннен жас Төле әкесіне еріп жүріп ел көреді, жұрт таниды, қазақ халқының ақындық-шешендік өнерінен тәлім алады. Он бес жасынан ел билігіне араласып, ақыл-парасаттылығы, әділ шешімі, шешендік өнерімен көзге түседі.

1-тапсырма

(ЖЖ,Т) «Үштік» әдіс(Ойлан, жұптас, бөліс)

«Қарлығаш әулие» мәтінін оқу үшін топтағы оқушылар бірнеше жұптан бөлінеді:бірінші оқушы оқиды немесе айтады, екінші оқушы тындайды, үшінші оқушы түртіп алады, кейін өз пікірін айтады.

Саралау: Оқушылардың есте сақтау қабілеті сақталады. Өз ойын ашық айта алады

ҚБ «Бас бармақ»

Нұсқаулық:Мұғалім топтағы жұмыстарын бақылап отырады. Қосымша уақыт беруге болады.

2-тапсырма

(Т)«Даналық ағашы» әдісі

Оқушылар ішінен бір жүргізуші сайланады.

Жүргізушінің қолында қорап немесе сандықша болуы керек. Оқушылар тақырып бойынша ашық сұрақтар құрастырып, жүргізушіге береді. Сұрақтар құрастырылып біткен соң, оқушылар сандықшадан кез келген сұрақты алып, дауыстап оқиды, толық жауап беруге тырысады. Қойылған сұрақпен берілген жауап бағаланады.

Үлгі:

«Бір ауыз сөзі мың ауыз сөзге татитын» дегенді қалай түсінесің?

Төле би неге «Қарлығаш әулие»атанды?

Мәтіннен қандай қорытынды шығардың?(өмірмен байланыстыру)

Саралау:Сыныптастарының жауаптарын ықылас қойып тыңдайды және сұрақтар қояды.

ҚБ «Бір- бірін бағалау»

Ресурстар:Қорап немесе сандықша(сұрақтарды салу үшін)

Нұсқаулық:Сұрақтарға толық жауап беруін қадағалау. Алған сұрағына жауап бере алмаса, топтағы басқа оқушы көмектесуіне болады

Ресурстар:Қорап немесе сандықша(сұрақтарды салу үшін)

3-тапсырма

(Т,Ұ) «Данышпан үкілер» әдісі

І топ:Мәтінмен жұмыс істеудің негіздері.

Мәтіннен негізгі (жаңа) ұғымдарды тауып, оларды алфавиттік ретте жазыңыз. Сізге жаңалық болған ақпаратты жазыңыз.

І І топ: Маңызды өмірлік даналық.

Мәтіннің негізгі ойын бір сөйлеммен білдіріңіз.

ІІІ топ: Иллюстрациялық бейнелеу.

Мәтіннің негізгі ойын сурет арқылы бейнелеп көріңіз.

ІҮ топ: Үлгі боларлық қорытынды.

Оқыған мәтіннен келешекте қажет болатын маңызды қорытынды шығаруға бола ма?

Саралау: Оқушының логикалық ойлауы дамиды, жылдам ой түйіндейді.

ҚБ «Смайликтер»

Нұсқаулық:Ұйымшылдықпен жұмыс жасауларына назар аудару. Топтық жұмысқа топтағы түгел оқушы қатысуы керек.

4-тапсырма

(Ұ) «Пазлдар» әдісі

Әр топ «миқатырғыш пазлдар» алады. Бөліктерді жылдам жинайды. Тапсырманы тиімді орындауға үйренеді

Саралау: Топта тиімді әрекет жасауға, рөлдерді бөлуге, жұмыс сапасын жақсартуға, ортақ мақсатқа жетуге үйренеді.

ҚБ «Екі жұлдыз,бір тілек»

Ресурстар:Миқатырғыш пазлдар

Нұсқаулық:Топтар тапсырманы орындайды. Шыққан сурет бойынша өз ойларын айту

Сабақтың соңы

«Бір ауыз сөз»

Оқушылар стикерлерге сабақ туралы бір ғана сөз жазып, оны тақтаға жапсырады. Өз ойларын түсіндіріп береді. Стикерлерге сабақты бағалайтын келесі сөздерді жазуға болады (оларды тақтаға алдын-ала тақтаға жазып қойған дұрыс): ұнады, пайдалы, қажет, білдім, үйрендім, қызықтым, ұмтылдым, есте сақтадым т.б

[attachment=25897:nsauly-arlyash-ulie.docx]
Кейінірек оқу үшін сақтап қойыңыз:


Қарап көріңіз 👇



Жаңалықтар:
» Оқушылардың соңғы қоңырау мерекесі 1 маусымда өтеді 05.02.2023
» Ультракүлгін лак кептіргіштер қатерлі ісік ауруын тудыруы мүмкін 02.02.2023
» Қазақстанға 5G қашан келеді? 28.01.2023

Пікір жазу



Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы