XVI – XVII ғасырлардағы қазақтардың материалдық мәдениеті 2-сабақ (Қазақстан тарихы, 6 сынып, ІV тоқсан)

Пән: Қазақстан тарихы
Ұзақ мерзімді жоспар бөлімі: XVI – XVII ғасырлардағы экономика мен мәдениет
Сабақ тақырыбы: XVI – XVII ғасырлардағы қазақтардың материалдық мәдениеті 2-сабақ
Осы сабақта қол жеткізілетін оқу мақсаттары (оқу бағдарламасына сілтеме): 6.2.2.5 – көшпелілердің қолданбалы өнер жетістіктерін сипаттау
Сабақ мақсаты: Көшпелілердің қолданбалы өнер жетістіктерін сипаттау.
Ұйымдастыру кезеңі.
Сәлемдесу,түгелдеу, жайлы орта ұйымдастыру.
Сабақ тақырыбы, оқу мақсаты мен бағалау критерийлерімен таныстыру.
Б Оқушыларға киіз үй туралы қысқаша бейне ролик көрсету.
- Не көрдіңдер?
- Не білдіңдер?
- Тағы не білгілерің керек? - туралы сұрақтар қойып оқушылардың ой пікірлерін біліңіз.
Киіз үйдің шығу тарихына қысқаша шолу жасау.
Зерттеу мен талқылау
Т Төрт топқа төрт тапсырма беру.
Тапсырмалар:
1 топ - киіз үйдің құрылысы (іші-сыртының үш бөліктен тұратынын анықтау керек).
2 топ - киіз үйдің ішкі құрылысы (оң қанат, сол қанат, төр ұғымдарының мәнін ашу).
3 топ - киіз ішінде тұратын дүниелердің жасалуын және қолдануын зерттеу.
4 топ - шаңырақтың мәні мен мағынасын зерттеп және қазіргі күнмен байланысын зерттеу.
Т «Неліктен киіз үй көшпелілердің материалдық мәдениеттің ең жоғарғы үлгісі деп саналады?» деген сұраққа топтар өз жауаптарын ауызша түрде дайындап, өзара талқылайды.
Венн диаграммасы: Қазақтың киіз үйі мен қазіргі үйдің айырмашылықтары мен ұқсастықтарын анықтау.
Т Қазақ ұлттық киімдерінің ерекшеліктерін көрсету мақсатымен танымдық ойын.
«Бұл не және кімге қатысты?» деген жарыс өткізу. Сыныптан бір оқушы ортаға шығып, ұсынылған суретті өзге оқушыларға көрсетпей, атын жасырып тұспалдап айтады. Жауабын тапқан оқушы келесі суретті алып жалғастырады.
Киіз үйдің бүгінгі күнгі мәнін анықтау мақсатында сынып оқушылары ой – пікірімен бөліседі.
Бағыттаушы сұрақтар:
- Бүгінгі күні киіз үйді қай жерден көруге болады?
- Қазіргі күні киіз үйдің қажеттілігі бар ма?
- Қазіргі заманғы сәулет өнерінде киіз үйдің элементтерін қолдануға бола ма? болса қалай?......