Көктөбеге шығамыз (1) (3 сынып, II тоқсан, 4 бөлім)

Пән: Қазақ тілі
Ұзақ мерзімді жоспар бөлімі: 4-тарау «Сәулет өнері» (7-сабақ)
Сабақ тақырыбы: Көктөбеге шығамыз (1)
Оқу мақсаттары:
Сұрақтар мен жауаптар құрастыру
3.3.4.1* мәтін мазмұны бойынша сұрақтар (қандай? қай? қашан? қайда?) құрастыру және оған жауап беру;
Оқыған мәтін бойынша пайымдама жасау
3.2.6.1 мұғалімнің қолдауымен айтылуы мен жазылуында айырмашылығы бар сөздерді дұрыс айту
Сабақ мақсаттары:
Оқушылардың барлығы:
Жазылуы мен айтылуындағы айырмашылықтарды сақтап, жаңа сөздермен сөйлемдер құрастырып айтады.
Оқушылардың көпшілігі:
Мәтінді оқу барысында жазылуы мен айтылуында айырмашылықтар бар сөздерді дұрыс айтады/оқиды.
Оқушылардың кейбірі:
Мәтін мазмұны бойынша сұрақтар құрастырып, оларға жауап беру барысында айтылуы мен жазылуында айырмашылықтары бар сөздерді дұрыс айтады.
Сабақ барысы: Қызығушылықты ояту – 4 минут
«Сөзжұмбақшылар» сайысы
1. Ол ғимараттың жобасын жасайды. (сәулетші)
2. Ол әдемі ғимараттар жасайды. (құрылысшы)
3. «Шығыс күнтізбесі» бұл – ....... . (субұрқақ)
4. «Шығыс күнтізбесі» субұрқағында 12 ...... бар. (мүсін)
5. Жас сәулетшілер қайда барады? (үйірме)
6. Сәулетшілер жоспарлайды, құрылысшылар салады. Бұл не? (ғимарат)
Сайыс соңында оқушылар «Сандар» әдісі бойынша 2 немесе 3 топқа бірігеді
Үй тапсырмасын тексеру – 4 минут
«Қар кесегі» ойыны
Мұғалім үй тапсырмасы бойынша алдын ала дайындап қойған сұрақтар жазылған парақтарды оқушыларға таратады. Оқушылар шеңбер бойымен тұрып, парақтардан кесектер жасайды және бір-біріне лақтырады. Шеңбер бойындағы реті бойынша оқушылар 1 сұрақтан алып, сұрақты дауыстап оқиды және жауап береді.
СҰРАҚТАР:
Алматы қандай қала? Қалада нелер көп? Олардың сәулеті қандай? Мен жазда қайда барамын? Мен жазда кімдермен субұрқаққа барамын? Жазда қайдан салқын жел соғады? Жазда субұрқақтан қандай жел соғады? Балалар субұрқақта не істейді?
Алматыда қандай әдемі орындар бар? Сен Көктөбені білесің бе?
Сабақтың тақырыбын жариялау
Сабақ мақсаты мен бағалау критерийлерін бірлесе құру – 2 минут
Жаңа сөздермен жұмыс
1-тапсырма. Жазылуы мен айтылуындағы айырмашылықтарды сақтап, жаңа сөздермен сөйлемдер құрастырып айту
жазылуы айтылуы
Көктөбе Көктөбө
көтеріледі көтөрүлөдү
ескі аспа жол еск(і)аспажол
жаңа аспа жол жаң(а)аспажол
Бағалау «Бас бармақ» әдісі арқылы орындалады.
2-тапсырма. Жазылуы мен айтылуындағы айырмашылықтарды сақтап, мәтінді оқу
Бұл – жаңа аспа жол. Аспа жолмен адамдар Көктөбеге көтеріледі. Аспа жолдың сырты темірден жасалған. Аспа жолдың терезелері шыныдан жасалған. Мен Көктөбеге ескі аспа жолмен көтерілемін.
Бағалау «Шапалақ» әдісі арқылы орындалады.....