Қазақша өлең: Базар Жырау Оңдасұлы (Жиырма бес) » ZHARAR © 2016 | базар жырау оңдасұлы Жиырма бес өлең стихи на казахском базар жырау казакша олен, базар жырау оңдасұлы өлеңдері, стихи на казахском языке базар жырау, базар жырау олендери, Жиырма бес




  • »

Қазақша өлең: Базар Жырау Оңдасұлы (Жиырма бес)

Қазақша өлең: Базар Жырау Оңдасұлы (Жиырма бес) казакша Қазақша өлең: Базар Жырау Оңдасұлы (Жиырма бес) на казахском языке

Екі ауылдың арасын
Қиқулатқан жиырма бес.
Бұғалықсыз асауды
Құр - құрлатқан жиырма бес.
Тынып таппай түн болса,
Сырғалатып сыртынан
Үй тыңдатқан жиырма бес.
Шынтақтасып қасына,
Шырт ұйықтап жатқанда
Тұр - тұрлатқан жиырма бес.
Жалтарғанды жаздырмай,
Қыран шалған қояндай
Бұлтылдатқан жиырма бес.
Ақысы кеткен кісідей
Көшкен елді қуалап,
Күн - түн қатқан жиырма бес.
Қыз - келіншек кез келсе,
Қыңырықтап құр кетпей,
Бір тіл қатқан жиырма бес.
Айдың көлдің аққуын
Атып алған жиырма бес.
Қай - қайдағы бәлені
Сатып алған жиырма бес.
Әр нәрсеге ұрынып,
Аман жүрмей, сау басын -
Шатып алған жиырма бес.
«Өлем» деген ойда жоқ,
Күнәсі бар да, тәубе жоқ,
Қапы қалған жиырма бес.
Көрінгеннің қолында
Әркімге бір «қор болып»,
Аты қалған жиырма бес.
Бұл шама келгенде,
Қолдан келер амал жоқ,
Қимылдауға мажал жоқ,
Жатып алған жиырма бес.
Шың басына, бір кезде
Шығып алған жиырма бес.
Бойындағы бар шырын
Сығып алған жиырма бес.
Көндей тұрған сауданы
Басқалардан көп беріп,
Жығып алған жиырма бес.


Санат: KZ портал » Қазақша Өлеңдер жинағы | | 104
Рейтинг:
(голосов: 0)

.

. .