Қазақша өлең: Шалкиіз Тіленшіұлы (Би Темірге айтқан бірінші толғауы) » ZHARAR © 2017 | шалкиіз тіленшіұлы Би Темірге айтқан бірінші толғауы өлең стихи на казахском шалкииз жырау тленшиулы казакша олен, шалкиіз тіленшіұлы өлеңдері, стихи на казахском языке шалкииз жырау тленшиулы, шалкииз жырау тленшиулы олендери, шалкиіз жырау олендери, шалкиіз жырау өлеңдері, Би Темірге айтқан бірінші толғауы




  • »

Қазақша өлең: Шалкиіз Тіленшіұлы (Би Темірге айтқан бірінші толғауы)

Қазақша өлең: Шалкиіз Тіленшіұлы (Би Темірге айтқан бірінші толғауы) казакша Қазақша өлең: Шалкиіз Тіленшіұлы (Би Темірге айтқан бірінші толғауы) на казахском языке

Аспанды бұлт құрсайды -
Күн жауарға ұқсайды.
Көлдерде қулар шулайды -
Көкшіліден ол айуан
Соққы жегенге ұқсайды.
Көп ішінде бір жалғыз
Көп мұңайып жылайды -
Күйбендескен көп жаман
Сөзі тигенге ұқсайды!
Алп, алп басқан, алп басқан
Арабы торым өзіңсің,
Жазылы, алтын, қол кескен
Алдаспаным өзіңсің!
Білерді білмес не демес,
Сұлтан ием, сен менің
Бармай тапқан Қағбамсың!
Алтынды кесе сары бал
Алсам, мен саған ұсынармын,
Тал мойныма қол артсаң,
Күліктен бек ұнармын.
Көбең семіз торыңмын,
Көп құлыңның бірімін.
Жақсыңнан мені кем көрдің,
Жаманыңмен тең көрдің.
Жақсыңнан мені кем көрсең,
Жаманыңмен тең көрсең,
Ұялы берікке қос артып,
Сен есенде, мен сауда
Ырысымды сындайын,
Сегіз қиыр шартараптан іздермін!
Еділден аққан сызашық
Біз көргенде тебінгіге
Жетер-жетпес су еді -
Телегейдей сайқалтып,
Жарқыраған беренді
Теңіз етсе, Тәңірі етті!
Жағасына қыршын біткен тал еді -
Жапырағын жайқалтып,
Терек етсе, Тәңірі етті!
Тебінгінің астынан
Ала балта суырысып,
Тепсінісіп келгенде
Тең атаның ұлы едің,
Дәрежеңді артық етсе, Тәңірі етті!!
Тобылғының берегі
Иіл болып беріш бітсе,
Айбар болар терегі.
Атаның ұлы жақсыға
Малынды бер де басың қос,
Бір күні болар керегі.
Бостаны бар-ды теректің,
Болаты бар-ды беректің,
Тұсыңдағы болған нартың қорлама,
Тұсыңдағы болған нартың қорласаң,
Табылмас-ты керекте.
Айдын шүйсең - тарлан шүй,
Көтерілген сона құтылмас.
Жауға кисең - берен ки,
Егеулеген болат өте алмас.
Есендікте малыңды бер де батыр жи,
Басыңа қыстау іс түссе,
Дұспанның қолы жете алмас!
Бар күшіңді сынамай,
Балуандармен күреспе -
Таң боларсың әлемге,
Сөз боларсың күлемге.
Ақылсыз достыдан
Ақылды дұспан артық-ты,
Дұспаныңнан бір сақын.
Елі ішінде айқасып,
Ойнап жүрген достарыңнан мың сақын.
Жоғары қарап оқ атпа,
Жуық түсер қасыңа.
Жаманға сырыңды қосып сөз айтпа,
Күндердің күні болғанда,
Сол жаман айғақ болар басыңа.
Жақсы да келер бұ көпке,
Жаман да келер бұ көпке,
Түгел іс қойып болмас бір кепке.
Сен - алтынсың, мен - пұлмын,
Сен - жібексің, мен - жүнмін,
Сен - сұлтансың, мен - құлмын,
Сен - сұңқарсың, мен - қумын,
Жемсауыңа келгенде,
Сұлтан ием, сом жүрегім аяман!
Саған дұспан - маған жау,
Керекті күні алдында
Ғазизленген сұлтан жаным аяман!!


Санат: KZ портал » Қазақша Өлеңдер жинағы | | 1 211
Рейтинг:
(голосов: 0)

KZ портал » Қазақша Өлеңдер жинағы, шалкиіз тіленшіұлы Би Темірге айтқан бірінші толғауы өлең стихи на казахском шалкииз жырау тленшиулы казакша олен, шалкиіз тіленшіұлы өлеңдері, стихи на казахском языке шалкииз жырау тленшиулы, шалкииз жырау тленшиулы олендери, шалкиіз жырау олендери, шалкиіз жырау өлеңдері, Би Темірге айтқан бірінші толғауы, шалкиіз тіленшіұлы Би Темірге айтқан бірінші толғауы өлең стихи на казахском шалкииз жырау тленшиулы казакша олен, шалкиіз тіленшіұлы өлеңдері, стихи на казахском языке шалкииз жырау тленшиулы, шалкииз жырау тленшиулы олендери, шалкиіз жырау олендери, шал, Қазақша өлең: Шалкиіз Тіленшіұлы (Би Темірге айтқан бірінші толғауы) қазақша өлеңдер жинағы скачать бесплатно олен казакша махаббат туралы стихи на казахском языке стихи на казахском языке стихи с днем рождения на казахском языке

.

MixAdvert

MarketGid

Соңғы пікірлер:

. .