Өлеңдер ✍️

Қар жауып тұр... Перінің қанатындай,
Көкке көзін сатады қала тынбай:
Тапшылықтан тауқымет тартқан жұртқа
Жақсылықтан бір хабар алатындай.
Ауға түсіп аңдаусыз қалған аңдай
Қала халқы қарайды қарға нанбай.
Жас баладай жылауық пенделерін
Кəмпит беріп Алла да алдағандай.
Қар жауып тұр мақтадай мамық қана,
Қайғырма да, дегендей қамықпа да.
...Біз күдікпен келерміз дүниеге,
Біз үмітпен енерміз табытқа да...
Қар жауып тұр...