Өлеңдер ✍️
  31.08.2022
  179

Автор: Ұлықбек Есдәулет

АЙНАДАҒЫ АҚ ШАШТАР

Жүрегiмдi барады шарпып жалын,
Аяқасты қарашы шарқ ұрғанын.
Аяңдайтын шағында алып-ұшып,
Албырттыққа алдырды-ау, антұрғаның.
Қатал уақыт қайырылмай,
Жаны ашымай,
Талайларға сездiрген бағасын-ай.
Мен осынау отыммен лапыл қағып,
Жас боп қалғым келедi дәл осылай.
Жаспын әлi!
Жастықтан қайрат тапқам,
Күйдiрген де, жандырған, ойнақтатқан,
Ал...
Айнаға қарасам – абыржимын,
Сол құрғырды кiм екен ойлап тапқан?!


  айна ақ шаш Ұлықбек Есдәулет өлеңдері Ұлықбек Есдәулет

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇
  Апыр-ау... ᐈ
  Жоқтан өзгеге жасып қаласың ᐈ
  Мейлi, ашылмасын жұмақтың қақпасы маған ᐈ
  ҚЫРАН ЖЫРЫ ᐈ
  НЕЛIКТЕН ᐈ

Пікір жазу