Өлеңдер ✍️
Өлеңдер ✍️
14.06.2021
152
![](/uploads/shorttexts/author_image/aae32c810fb1e999d538f0e58a377b6b.png)
Сүйеу қылып көңіліме
Сүйеу қылып көңіліме,
Сүйдім сені өміріме.
Саған қояр сұрауым:
Сен де «сүйдім!» дедің бе?
* * *
Жүрегімді идірген,
Ғашығымсың күйдірген.
Мен разы өмірге,
Сүйген үшін сүйдірген.
***
Сүйегімді босатқан,
Серігімсің жасатқан.
Сүйдім сені өміріме,
Сөзім, антым — осы айтқан!
* * *
Жанымды сен жаңартқан,
У өмірімнен тазартқан,
Жүрегімсің шер тартқан,
Серігімсің қол артқан.
* * *
Мен сүйген соң сүйерсің,
Мен күйген соң күйерсің,
Сүйгендіктен сыйлармын,
Сыйыңды өзің білерсің!
* * *
Ардақтармын сүйген соң,
Көңіліңе жіп салмаспын,
Өзгерермін біржола,
Мен бұрынғы болмаспын.
* * *
Ден қоярмын мен саған,
Білерсің де билерсің,
Сыйларсың да күтерсің,
«Би» осыған үйренсін!
Әлеуметтік желілерде бөлісіңіз:
Facebook | VK | WhatsApp | Telegram | Twitter