Өлеңдер ✍️

Ерке қызым, қызғалдағым – Әйгерім,

Ата анаңның ізгі арманы – Әйгерім.

Бақытты бол, қосағыңмен, құлыным,

Айдай сұлу, ақ перзентім – Әйгерім.

Барғаң жерің бағың болсын, Әйгерім,

Ата енең: «жаным» десін, Әйгерім.

Шуағыңды мейіріміңмен төге біл,

Сүйген жарың Пірің болсын Әйгерім!

Ақ батамды бердім, қызым, Әйгерім,

Көгеріңдер, көп болыңдар, бұл – сенім.

Берсін Алла тілегімді ең ізгі

Сонда ғана бақыттымын дер едім!