Өлеңдер ✍️

Күн күлімдеп шықпаса,

Жер қалады қабарып.

Ай –

Күн нұрын жұтпаса,

Көрінбейді ағарып.

Жанар қонған шық талға

Таңғы арайлы шақтарда.

Құлпырады бұлттар да

Күн шығып, күн батқанда.

Егін бітік шығуы

Байланысты жауынға.

Онсыз қиын тұруы

Жайнап бақша-баудың да.

Ана болды маған Күн,

Қарасты алыс-жақын да.

Асын ішіп адалдың

Болып өстім ақын да.

Күннің көзі түспесе

Жарқылдамас алтын да.

Бақыты –

Бар Адамның

Адамның махаббатында!