Мен және менің мектебім. Дүниетану, 1 сынып, сабақ жоспары.

Пән:Дүниетану

Ұзақ мерзімді жоспар бөлімі: 1Б бөлім: Менің мектебім

Күні:

Сынып: 1В

Мектеп: Көкшетау қ. физика-математика бағытындағы Назарбаев Зияткерлік мектебі

Мұғалімнің аты-жөні: Сагинова Г.Т.

Қатысқандар саны:

Қатыспағандар саны:

Сабақ тақырыбы

Мен және менің мектебім

Осы сабақта қол жеткізілетін оқу мақсаттары (оқу бағдарламасына сілтеме)

1.1.2.1 Мектептің адам өміріндегі маңыздылығын түсіндіру

1.1.2.6 өзін мектеп оқушысы және сынып ұжымының мүшесі ретінде сипаттау

Сабақ мақсаттары

Барлық оқушылар: өз мектебі туралы біледі

Көптеген оқушылар: мектепте кімдер жұмыс істейтінін және олардың қызметі туралы біледі;

Кейбір оқушылар: кітапханана қызметін пайдалануды үйренеді.

Тілдік мақсат

Мұғалім

Аспаз

Кітапханашы

Дәрігер

Бағалау критерийлері

Оқушылар білетін болады:

• Мектептің орналасқан орнын;
• Мектепке барар жолды;
• Мектеп күнін;
• Кітапхана қызметін

Құндылықтарды дарыту

Оқушылардың мектепке және мектеп қызметкерлеріне деген құрметін тәрбиелеу.

Пәнаралық байланыстар

Қазақ тілі, әдебиет

АКТ қолдану дағдылары

Интерактивті тақта

Бастапқы білім

Мектепте өзін ұстау ережелерінің маңызын түсінеді

Сабақ барысы

Сабақтағы жоспарланған іс-әрекет

І. Ұйымдастыру кезеңі.

Оқушыларды түгендеу, сабаққа әзірлігін тексеру.

Психологиялық сәт:«Ертеңгілік шеңбер»

Ұ) Қайырлы таң, көздерім! Ояндыңдар ма? (қабақтарын сипайды).

Қайырлы таң, құлақтарым! Ояндыңдар ма? (құлақтарын сипайды).

Қайырлы таң, қолдарым! Ояндыңдар ма? (қолдарымен шапалақтайды).

Қайырлы таң, аяқтарым! Ояндыңдар ма? (аяқпен жерді тебу).

Қайырлы таң, күн! Мен ояндым!. (Күлімсіреп, күнге қолдарын созады)

. ІІ. Сабаққа кіріспе

• Мектеп туралы жұмбақтар жасыру.
• Мектеп сөзіне кластер жасау. Мектепке алғаш келгендегі сезімдері туралы әңгімелету.
• Мектептегі қызметкерлер, олардың атаулары мен мектептегі әртүрлі орындардың атауларын атату

Шаттық шеңбері

Асханадағы аспаз, кітапханадағы кітапханашы, дәрігер бөлмесіндегі дәрігер, сыныптағы мұғалім бейнеленген сюжетті суреттер.

III. . Жаңа сабақты меңгерту

• Ы. Алтынсариннің «Кел, балалар оқылық» өлеңін оқу,алғашқы мектептің суретін көрсету, оны қазіргі мектеппен салыстыру
• Ы.Алтынсариннің ағартушылық қызметі жөнінде әңгімелеу
• Мектептегі мамандық түрлеріне қатысты сурет бойынша жұмыс
• Мектепте кімдер жұмыс істейді?

IV.Кітапханаға саяхат

• Кітапхана туралы мәлімет беру

Кітапхана алғаш рет ежелгі Шығыста пайда болды. Саздан жасалған тақтайшаларды алғашқы кітапхана деп атаған. Олар шамамен б.з.д. 2500 жылы негізі қаланған Вавилонның Ниппур қаласының ғибадатханасынан табылды. Өте танымал көне шығыс кітапханасы ретінде б.з.д. VII ғасырда Ниневидегі ассириялық Ашшурбанипала патшасының сарайынан табылған сына жазу тақташаларының жинағын айтуға болады. Ежелгі Грекияда алғашқы кітапхананың негізін Гераклде Клеарх құрды.Александрия кітапханасының негізін б.з.д. Птоломей І құрды. Ол ескі кітаптардың ірі орталығы болды.Абай атындағы Семей кітапханасы – Қазақстандағы тарихи кітапханалардың бірі.Ол 1883 жылғы 20 қыркүйекте құрылған. Кітапхана құрастыру ісін Қазақстанға жер аударылған саяси қайраткерлер бастады. Құрылған жылы кітапхана қорында 274 дана кітап болды. Кітапхана қызметін130 оқырман пайдаланды. Кітапхананың алғашқы келушілерінің қатарында қазақтың ұлы ақыны және ағартушысы Абай Құнанбаев та болды.

• Ол жерден мынандай мәліметтерді жинау:
• Кітапханаға кір және бақыла
• Кітапханашы не істейді?
• Кітапханаға келушілер не істейді?
• Өзің кітап жаздырып ал

• Кітапханаға барғанда алған әсеріңді әңгімелеп айтып көр

V. Дәптермен жұмыс

1.Өз кітапханаңдағы заттардың орналасу ретін еске түсір

2. Кітапхананың сұлбасын салғызу

Ы.Алтынсариннің портреті, Ы.Алтынсариннің «Кел, балалар, оқылық!» өлеңі,

Рефлексия:

-Мектептің адам өміріндегі маңызы қандай?

-Мектепте мұғалімнен басқа қандай өызметкерлер бар?

Кітапханашы мамандығы несімен қызықты?

Өз көңіл-күйлеріңді смайликтер арқылы білдіріңдер

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Кітапханаға саяхат кезіндегі өз бетінше бақылау жүргізудің нәтижесінде талқылап айту

Оқушылар:

– мектепте мұғалімнен басқа кітапханашының, аспаздың, дәрігердің жұмыс істейтінін;

– әр қызметкер белгілі қызмет атқаратынын және тиісті бөлмеде жұмыс істейтінін;

– өз бітінше бақылау жүргізу арқылы кітапхана қызметін қалай пайдалану керектігін айтады.

.

Сергіту сәттері мен белсенді іс-әрекет түрлері.

Сабақ бойынша рефлексия

Сабақ мақсаттары /оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы даойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?