алу
👈 қаріп өлшемі 👉
қосу

Шығармашылық жұмыстарды түрлі формада ұсыну. Тайбурылдың шабысы(Қобыланды батыр жырынан үзінді). Әдебиеттік оқу, 4 сынып, сабақ жоспары.


Қысқа мерзімді жоспар

Пән: әдебиеттік оқу

Ұзақ мерзімді жоспар бөлімі: Мәдени мұра

Күні:

Сынып: 4

Мектеп: Қарағанды қаласы

Мұғалімнің аты-жөні: Майбасова Ү.А.

Қатысқандар саны:

Қатыспағандар саны:

Сабақ тақырыбы

3.3 Шығармашылық жұмыстарды түрлі формада ұсыну Тайбурылдың шабысы (Қобыланды батыр жырынан үзінді)

Оқу мақсаттары

4.2.7.1 шығармадан әдеби көркемдегіш құралдарды (теңеу, кейіптеу, эпитет, аллитерация, әсірелеу) табу және оларды қолдану

4.3.3.1 шығармашылық жұмысын сызба, диафильм, презентация түрінде ұсыну

Сабақ мақсаттары

Барлық оқушылар: шығармадан әдеби көркемдегіш құралдарды мұғалімнің көмегімен табады, шығармашылық жұмысты сызба түрінде ұсынады;

Көптеген оқушылар:. шығармадан әдеби көркемдегіш құралдарды сызба арқылы табады, шығармашылық жұмысты сызба түрінде ұсынады;

Кейбір оқушылар: шығармадан әдеби көркемдегіш құралдарды өздігінен табады, шығармашылық жұмысты сызба түрінде ұсынады;

Бағалау критерийлері

  • Шығармадан әдеби көркемдегіш құралдарды табады;
  • Әдеби көркемдегіш құралдарды қолданады;
  • Шығармашылық жұмысты сызба түрінде ұсынады.

Тілдік мақсаттар

Оқушылар:

Бөлім тақырыбына байланысты мәдени мұра туралы әңгімелей алады. Дауыс ырғағын сақтап, мәнерлеп оқуды үйренеді, мәтін мазмұын бойынша ойын толық жеткізеді.

Пәнге тән лексика мен терминология

Тайбурыл, Қобыланды батыр, адырды көз, қалың қият.

Диалог пен жазу үшін пайдалы сөздер мен тіркестер

  • Неліктен шығарма батырлар жырына жатады деп ойлайсың?
  • Батырлар жырының тақырыбы не туралы болуы мүмкін?

Құндылықтарды дарыту

Топтық, жұптық жұмыс арқылы оқушылардың бойында еңбекқорлық, жолдастық, сыйластық, адамгершілік құндылықтарын дарыту; өздеріне деген сенімдерін, жұмыс орындау барысында жауапкершілікті арттыру; өмір бойы білім алу, ашықтықты насихаттау

Пәнаралық байланыстар

Шығармадағы Тайбурылдың ерекшеліктері туралы әңгімелеу арқылы жаратылыстану пәнімен байланыс жүзеге асырылады.

АКТ қолдану дағдылары

Интербелсенді тақтадан оқушылар тақырыпқа байланысты презентация көреді, сұрақтарды талдап, жауап береді.

Бастапқы білім

Шығарманың жанрын, өлеңнің ұйқасқа құрылатынын біледі.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

5 минут

Ширату тапсырмасы

«Доп лақтыру»ойыны.

Оқушылар шеңберге тұрады. Жануарларға қатысты жылқы, қой, сиыр, тай, қозы, бұзау деген сөздерге мағыналас сөздер айтып, біріне бірі доп лақтырады. Мысалы жылқы болса – бие болуы мүмкін. Тай десе – жарыс. Қой десе – қозы. Ойын соңында әр жануардың атауларына байланысты мағыналас сөздерді айтуға болатынына назар аударылады.

Саралау: мағыналас сөздерді айтуға қиналған оқушыларға диалог және қолдау көрсету тәсілі арқылы сөзбен қолдау көрсетіледі.

Оқу мақсатын хабарлау:

Бүгінгі сабақта біз шығарманы түсініп оқып, көркемдегіш құралдарды табуды, оқыған шығармаға сүйене отырып хат жазуды үйренеміз.

Оқушылармен бағалау критерийін қарастыру немесе таныстыру.

Қосымша №1

доп

Слайд №3

Сабақтың ортасы

5 минут

5 минут

7 минут

7 минут

4 минут

1-тапсырма

(Ұ; Т; МК)

«Қақпа» әдісі арқылы оқушыларға Қобыланды батыр жырынан «Тайбурылдың шабысы» үзіндісін саналы түрде, тсінісіз сөздерді тауып оқып, белгілеп отыру тапсырылады. Өз бетінше оқуға 4-5 минут уақыт аралығы беріледі.

Іштей саналы түрде түсініп оқу алдында өлең мазмұнында кездесетін түсініксіз немесе уақыт тақырыбын білдіретін сөздерге талдау жасалады Сөздер тақтаға жазылып ілінеді

Қалың қият

бурыл гуледі

Төрт аяғы көсілді

Сеңгір – сеңгір таулар

Мұғалім тақтада қақпаның суреті мен кестені іліп қояды. Сыныпты екі топқа бөледі. Мұғалім мәтін мазмұнынан бір сөзді немесе сөз тіркестерін айтады. Әр топтан бір оқушы сол сөзді кестеге толтырады. Бір оқушы сөздікпен жұмыс істейді. Келесі оқушыға сөйлем құрастыру ұсынылады. Бір оқушы гол салады. Жұмыс барысында оқушылардың рөлдерін ауыстырып отырған дұрыс.

Сөз

Біз қалай түсіндік

Сөйлем құрастыр

Сөздіктегі мағынасы

Саралау. Қарқын тәсілі арқылы. Іштей түсініп оқуда оқушылардың деңгейіне байланысты уақытты белгілеу жоспарланады.

(ҚБ) «Смайликтер» арқылы топтық бағалау.

2-тапсырма

(Т) «Кірпіш» стратегиясын қолдана отырып, «Тайбурылдың шабысы» жырынан өздері үшін маңызды сөздерді кірпіштерге түсіреді және пікірлерін білдіреді.

Мұғалім А4 парағына бейнеленген кірпіштердің суреттерін және мәтін мазмұны бойынша дайындалған сұрақтар таратады. Кірпіш суреттеріне жекелеп отырып, мәтін мазмұны бойынша сөздерді жазады. Оқушылар сөздерді алып, жұптасып оқиды. Бір-бірін толықтырады. Кірпіштерге жазылған жауаптарын топта талқылайды. Топтарталқылау соңында ішінен 5 маңызды ақпаратты стикерге жазып тақтадағы кірпіштерге қайта іледі және түсіндіреді.

Сұрақтар үлгісі:

  • Жырда автордың айтайын дегенін бір сөзбен жеткіз?
  • Автор тайбурылдың шабысын қалай бейнеледі?
  • Тайбурылдың сеңгір таулардан өткен жерлері қалай суреттелген?
  • Тайбурылдың Қобыланды батырға беріктігі туралы қандай қорытынды айтар едің?

Саралау Қорытынды тәсіл. Тапсырма барлық оқушыларға ұсынылады, бірақ әртүрлі нәтиже күтіледі. Топтағы қабілеті жоғары оқушы қабілеті төмен оқушыға ой бөлісіп, идеясын ортаға салып көмектеседі. Оқушыларға өз ойын еркін айтуға, дәлелдеп айтуға, өздігінен шешім қабылдауға мүмкіндік беріледі.

(ҚБ) «Басбармақ» әдісі арқылы топтық бағалау жүргізіледі.

3-тапсырма

, ОТ) «Салыстыру картасы»

Оқушылар топтасып «Қобыланды батыр» жырынан әдеби көркемдегіш құралдарды тауып, «Салыстыру картасына» белгілей отырып оқуға ұсынылады. Әдеби көркемдегіш құралдардың түрлеріне тоқталып, қайталанады.

Бірлесе отырып талқылау жұмысы жүргізіледі. Ол үшін алдымен теңеу, эпитет сөздерді табуға назар аударылады. Әсірелеу ұғымы туралы түсінік беріледі.

Әсірелеу, гипербола (грек, hyperbole - күшейту) - әдебиеттегі көркемдеу тәсілдерінің бірі, әр түрлі құбылыстарды немесе белгілі бір нәрсені шамадан тыс асыра суреттеу тәсілі.

Тіктеп тиген тұяғы,

Саз балшықтай илейді...

Қарсы келген қабақтан,

Қарғып басып жөнелді.

Сеңгір – сеңгір таулардан,

Секірте басып жөнелді.

әсірелеу

теңеу

эпитет

кейіптеу

Саралау. Диалог жəне қолдау көрсету. Кейбір оқушыларға тапсырманы орындау барысында жан-жақты əрі нақты көмек қажет болады. Оқушыларды ойланту үшін жəне бірқатар жауаптар алу үшін алдын ала дайындалған сұрақтарды қоюға болады. Бұл əдісті қолдану барысында сөзбен қолдау көрсету жəне ынталандыру да маңызды рөл атқарады.

Б) «Екі жұлдыз бір тілек» әдісі арқылы . оқушылардың көркемдегіш құралдарды белгілеулері өзара бағаланады.

4-тапсырма

(Т; Ө) «Фишбоун» әдісі»

Батырлар жырының мазмұны бойынша шығармашылық жұмыс (сызба) жасау ұсынылады. Әр топқа балық қаңқасының сызбасы беріледі. Оқушылар топтың ішінде талқылап, сосын өздігінен сызбаны құрастырады.

Нұсқау:

Басы – тақырыпқа сай сұрақ;

Құйрығы – сұраққа жауап немесе қорытынды;

жоғарғы жақ сүйектері – мәселе себептері;

төменгі жақ сүйектері – себептердің салдары.

Саралау:Қорытынды саралау тәсілі.

Барлық оқушылар бір тапсырманы орындаса да олардың нəтижелері əртүрлі болады. Бір тапсырма беріледі, бірақ жалғыз «дұрыс» жауаптың бағытында жұмыс істеуден гөрі оқушылар өздерінің мықты жəне əлсіз тұстарына қарай жауап берулері күтіледі.

(ҚБ) Дескрипторлар бойынша бағалау:

  • жырды қатесіз, мәнерлеп оқиды;
  • сұрақ құрастырады;
  • сұрақтарға жауап жазып, қорытындылайды;
  • мәселенің себептерін жазады.

Қосымша №2

Слайд №4

Қақпа суреті

Қосымша №3

Слайд №5

А4 парақтары

Кірпіш суреттері

Сұрақтар жазылған парақтар

Қосымша №4

Слайд №6

  • Қосымша №5
  • Слайд №7

Сабақтың соңы

7 минут

Рефлексия. Рефлексия: «Бәрі менің қолымда»

Флипчартқа алақан бейнеленген плакат ілінеді.

Бас бармақ – «Бұл тақырып бойынша әлі ізденіс қажет».

Сұқ саусақ – «Бұл мәселе бойынша нақты нұсқаулар берілді».

Ортан терек – «Маған бұл ұнамады».

Шылдыр шүмек – «Психологиялық эстафета».

Кішкене бөбек – «Маған бұл жерде жетпеді…».

Үйге тапсырма: Қобыланды батыр жырын толық нұсқасын оқып келу ұсынылады.

Қосымша №6

Слайд №8

Саралау

Ширату жаттығуы.

Мағыналас сөздерді айтуға қиналған оқушыларға диалог және қолдау көрсету тәсілі арқылы сөзбен қолдау көрсетіледі.

1-тапсырма

Қарқын тәсілі арқылы. Іштей түсініп оқуда оқушылардың деңгейіне байланысты уақытты белгілеу жоспарланады.

2-тапсырма

Қорытынды тәсіл. Тапсырма барлық оқушыларға ұсынылады, бірақ әртүрлі нәтиже күтіледі. Жұптағы қабілеті жоғары оқушы қабілеті төмен оқушыға ой бөлісіп, идеясын ортаға салып көмектеседі. Оқушыларға өз ойын еркін айтуға, дәлелдеп айтуға, өздігінен шешім қабылдауға мүмкіндік беріледі.

3-тапсырма

Диалог жəне қолдау көрсету. Кейбір оқушыларға тапсырманы орындау барысында жан-жақты əрі нақты көмек қажет болады. Оқушыларды ойланту үшін жəне бірқатар жауаптар алу үшін алдын ала дайындалған сұрақтарды қоюға болады. Бұл əдісті қолдану барысында сөзбен қолдау көрсету жəне ынталандыру да маңызды рөл атқарады.

4-тапсырма

Қорытынды саралау тәсілі. Барлық оқушылар бір тапсырманы орындаса да олардың нəтижелері əртүрлі болады. Бір тапсырма беріледі, бірақ жалғыз «дұрыс» жауаптың бағытында жұмыс істеуден гөрі оқушылар өздерінің мықты жəне əлсіз тұстарына қарай жауап берулері күтіледі.

Дескрипторлар:

  • жырды қатесіз, мәнерлеп оқиды;
  • сұрақ құрастырады;
  • сұрақтарға жауап жазып, қорытындылайды;
  • мәселенің себептерін жазайды.

«Смайликтер» арқылы топтық бағалау.

«Басбармақ» әдісі арқылы топтық бағалау.

«Екі жұлдыз бір тілек» әдісі арқылы бағалау. Оқушылар бірін-бірі бағалайды.

Денсаулық және қауіпсіздік техникасының сақталуы

АКТ-ны оқу барысында орынды және шығармашылықпен қолдана білу құзыреттілігін арттыру

Сабақ бойынша рефлексия


Құрметті оқырман! Файлдарды күтпестен жүктеу үшін біздің сайтта тіркелуге кеңес береміз! Тіркелгеннен кейін сіз біздің сайттан файлдарды жүктеп қана қоймай, сайтқа ақпарат қоса аласыз! Сайтқа қосылыңыз, өкінбейсіз! Тіркелу
Толық нұсқасын 30 секундтан кейін жүктей аласыз!!!


Кейінірек оқу үшін сақтап қойыңыз:


Қарап көріңіз 👇



Жаңалықтар:
» Қазақстанға 5G қашан келеді? 28.01.2023
» Әскерде өзіне қол салған сарбаз туралы тың дерек шықты 23.01.2023
» Әр қазақстандық қанша гектар жер иемдене алады? 23.01.2023

Пікір жазу



Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы