Алмас Темірбай (Сүймейтін адаммен сүйісу...)

 Алмас Темірбай (Сүймейтін адаммен сүйісу...)

Шаршатты ─
Күн сайын ─ у ішу,
Түн сайын ─ жүректі азаптау!
Сүймейтін адаммен сүйісу ─
Арыңды жылатып,
Жаныңды мазақтау...

Біреулер үшін ол
тұрмайды түкке де,
Мен үшін шын бақыт ─
Шынайы сүйісу ─
Екі ерін қосылған нүктеде
Екі адам тағдыры түйісу...

Құрысын мінезсіз мінезім!
Не деген сорлы жан?!
Не деген ез үміт?!
Сүймейсің... сол үшін бір өзің,
Өзіңді кінәлі сезініп...

Ол мені «Күнім» деп құшақтар,
«Айым» деп аймалар,
Мен оны «ешкімім» дей алмай...
Жүрегім айниды,
Басым да айналар,
Еңсемді көтерші, ей, Алла-ай?!

Ештеңе көрмей ме,
Ештеңе сезбей ме бақытты адамдар?!
Мәз боп жүр, бақытты ол өзінше...
О, қандай амал бар?!
Көрмейтін сияқты ─
Басқамен сүйісіп тұрсам да
Мен оның көзінше...

Шіркін-ай, басталса қайта өмір,
Тағдырмен тағы да түсер ем жарысқа! ...
Жүрекке ─ жұбаныш, әйтеуір,
Бір өзім білетін
Біреу бар алыста... алыста...

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі