Қазақтарды шетелдік қонақтарға таныстыру [Қазақ осы] - Қадыр Мырза Әли (+ видео)

Қазақтарды шетелдік қонақтарға таныстыру [Қазақ осы] - Қадыр Мырза Әли (+ видео)

Е-е-ей!
Жайлауында жүрген жігіт бағып қой,
Дос келді деп, жасап жатыр анық той.
Алғашқы рет көріп тұрсың сен оны,
Нағыз қазақ осы, міне, танып қой.
Сәйгүлікті құйрық-жалы таралған,
Сүйетұғын қазақ осы, қараңдар.
Қазақ осы күй шығарып, ән салып,
Көкпар тартып, қыз қууға жаралған.
Қазақ осы - айтатұғын желге сыр,
О, ағайын, халық емес ол кесір.
Қазақ осы - аңғал-саңғал жабусыз,
Қазақ осы - ағыл-тегіл, көл-көсір.
Айхай!
Қазақ осы - ағыл-тегіл, көл-көсір.
Е-е-ей!
Қазақ осы - дала дейтін, күн дейтін,
Қазақ осы - «Өнер алды - тіл» дейтін.
Қазақ осы - қарасың ба, ақсың ба,
Қоңырсың ба, жатырқауды білмейтін.
Қазақ осы - көргенінен танбайтын,
Той-думансыз оты түзу жанбайтын.
Қазақ осы - алудай-ақ алатын,
Ал беруден алдына жан салмайтын.
Қазақ осы - ашық жарқын қабағы,
Қонақ келсе шабылып бір қалады.
Байқа да тұр, саған да ол кетерде,
Ат мінгізіп, жібек шапан жабады.
Айхай!
Ат мінгізіп, жібек шапан жабады.
Е-е-ей!
Қазақ осы - құда бол деп қинайтын,
Құдаларын құдайындай сыйлайтын.
Қазақ осы - дүние мен малыңды,
Оңды-солды шашу үшін жинайтын.
Қазақ осы - жайып жатқан қанатын,
Батыр халық, ақын халық - дәл аты.
Қазақ осы - өзімсінген адамға,
Насыбайға бола өкпелеп қалатын.
Жайлауында жүрген жігіт бағып қой,
Дос келді деп, жасап жатыр анық той.
Алғашқы рет көріп тұрсың сен оны,
Нағыз қазақ осы, міне, танып қой.
Айхай!
Нағыз қазақ осы, міне, танып қой.



Дархан Дүйсенов - Қазақ осы

[/quote]



207 + -117 -

Іздеп көріңіз:

Қарап көріңіз:

Пікір жазу

Пікірлер 5

  1. Офлайн
    Ерема
    Ерема 20 ноября 2020 01:39
    1 + 0 -
    Мықты ? жазылған
  2. Офлайн
    Акжол Токтарбеков
    Акжол Токтарбеков 27 октября 2015 19:20
    2 + 0 -
    Керемет
  3. Офлайн
    Dilnaz Bekmuratova
    Dilnaz Bekmuratova 17 апреля 2015 20:11
    2 + 0 -
    тамашааааааааааааааааааааааааа
  4. Офлайн
    Aizhan zhanzakova
    Aizhan zhanzakova 19 марта 2015 09:24
    2 + 0 -
    Кушти!Мен бугин 5+ алатын шыгармын!Кадыр Мырза Алидын олендери керемет!
  5. Офлайн
    Таьвдсьс
    Таьвдсьс 26 октября 2020 10:04
    6 + 1 -
    Осылай болады
    Қазақтарды шетелдік қонақтарға таныстыру осылай болсын , кермет
Келесі мақала ашылудa...