Қазақша Анекдот: Ене мен күйеу бала » ZHARAR © 2017 | келіп, күйеу, деген, Күйеу, мысық, баласы, баласының, сұрады, туралы, тұшпара, сұраған, арасында, менің, Енесі, жатыр, болып, Күйеуі, жігіт, Жігіт, енесі




  • »

Қазақша Анекдот: Ене мен күйеу бала

Қазақша Анекдот: Ене мен күйеу бала казакша Қазақша Анекдот: Ене мен күйеу бала на казахском языке

Енесі мен күйеу баласының арасында кикілжіңдердің болып тұратыны ешкімге де құпия емес шығар. Көрші елдерде олардың қарым-қатынасы туралы әзіл-қалжыңдар көп айтылатындықтан, жігіттер енесімен алғашқы кездесуге жақсылап дайындалып барады екен. Сол әзіл-қалжыңның кейбірін аударып беруді жөн көрдік.

Күйеу жігіт үйіне мас болып келіп, есіктің қоңырауын басты. Алдында сыпырғы ұстаған енесі тұр екен. Жігіт енесіне қарап:

- Апа үй жинап жатырсыз ба, әлде ұшуға дайындалудасыз ба? – деп сұраған екен.

Күйеуі: - Білмеймін, анаң қаншаға толса, сонша ақша берейік.

Әйелі: - Охо! Сонда 50 000 береміз бе?

Күйеуі: - Мәссаған, жасы 50 000-ға жетіп қойды ма?

Екі еркек кездесіп, бір-бірінен:

- Қорқыныш деген не нәрсе? – деп сұраған екен.

- Қорқыныш деп жағажайда демалып жатқан кезде енеңді толқын алып кеткенін айтамыз.

- Ал сұмдық деген ше?

- Екінші толқын енеңді қайтып алып келсе, сұмдықтың көкесі сол кезде болады.

Күйеу жігіт тышқанның құрығына байқаусызда ақша іліп қойған екен. Енді енесінің 3 саусағы сынып жүр.

Енесі мен күйеу баласы ұрсысып жатып, енесі:

- Егер сен менің күйеуім болсаң, мен саған суға у қосып беретін едім, - дейді.

Күйеу баласы:

- Сіз менің әйелім болсаңыз, мен сол уды ойланбастан ішер едім.

Жігіт дөңгелек үй тұрғызды. Қоныс тойын тойлап жатыр. Қонақтар келіп:

- Неге үйің дөңгелек етіп салынған? – деп сұрап жатыр екен.

- Үйдің жобасын сызып жатқанымда ене келіп, «Балам маған бір бұрыш табыла ма?» деп сұраған еді.

Сенбі күні сағат жеті шамасында біреу есік қағады. Ұйқылы ояу есікті ашуға бардым. Келіп тұрған енем екен. Ол менен:

- Балам, осы жерде бір аптаға қала тұрсам бола ма? – деп сұрады.

- Әрине! – деп есікті тарс жауып алдым.

Болашақ енеңіз сізге жағымпазданып жатса, оның баласының бір жері дұрыс емес болғаны.

Ене ас үйде тұшпара дайындап жатыр. Жанына мысық келіп:

- Мяу, мяу! – деп ет сұрады.

Ене оны аяғымен итеріп:

- Мазамды алма! – деді.

Мысық екінші рет келіп тағы сұрады. Бұл жолы ашуланған ене оны аяғынан ұстап, шетке лақтырды.

Осы оқиғадан кейін үйге күйеу баласы кірді:

- Балам менің, отырып тұшпара жей ғой! Тамақ ішіп отырған күйеу баласының жанына мысық келіп мяулай түсті. Күйеу бала:

- Жей ғой! – деп тұшпара берген еді, мысық бір тістеген соң жерге «топ» етіп құлады. Мұны көрген күйеу баласы:

- Мені өлтірейін дедіңіз бе? – деп жанжал шығарды.

Бұрышта жатқан мысық көзін сығырайта ашып: - Тамаша! – деп масаттанып алды.

Қызы әкесіне келіп: «Әке, ақымақ деген қандай сөз?» - деп сұрады.

Әкесі: «Ақылы жоқ адамды осылай атайды».

Қызы: «Әжемнің сіз туралы нашар ойда жүргенін бұрын да сезуші едім».

- Кеше орманға барып енеме арнап үш шелек саңырауқұлақ тердім.

- Олардың арасында улысы болуы мүмкін ғой?

- «Мүмкін» деген не сөз!

- Қымбаттым, мен сенің анаңды жүзу сабақтарына жазып қойдым.

- Тоқта-тоқта. Ал парашютпен секіру сабақтары ше?

- Одан пайда жоқ екен. Анаң ол сабақтарға барғанына бір жыл болды. Шамамен 100 рет секірді, тіпті, 1 рет болсын аяғын қайырған жоқ.

Дайындаған: Қарлыға Бүйенбай, дереккөзі


Санат: KZ портал » Қазақша Анекдоттар мен әзілдер жинағы | | 26 384
Рейтинг:
(голосов: 24)

.

MixAdvert

MarketGid

Соңғы пікірлер:
. .