Күйеу туралы Мақал-мәтелдер ✍️

Ілмек бойынша іздеу:

Келінің жаман болса, ұлыңнан көр.
Күйеуің жаман болса, қызыңнан көр.

Күйеу – жүз жылдық,
Құда – мың жылдық.

Қызғаншақтың қызы
Күйеусіз қалады.

Күйеу — жолдасымен,
Қыз — жасауымен.

Күйеу келсе қыз тұрмас,
Бесін келсе күн тұрмас.

Ыржық қызға — тыржық күйеу.

Қалыңдығына өкпелеген күйеу,
Қайнысына сәлем бермейді.

Күнде келсе, күйеу жаман,
Жымысқы болса, жиен жаман.

Түйе тұзға келеді,
Күйеу қызға келеді.

Келінді келін демесең,
Жақсы болса өз қызың.
Күйеуді күйеу демесең,
Жақсы болса өз ұлың.