Отбасы туралы Мақал-мәтелдер ✍️

Ілмек бойынша іздеу:

Басқа: 2
Мақал-мәтелдер: 91
Жұмбақтар: 2
Тақпақтар: 35
Өлеңдер: 61
Нақыл сөздер: 24
Құттықтау, тілектер: 21
Баталар: 12
Туындылар: 4
Әңгімелер: 38
Ертегілер: 1
Шығармалар: 5
Анекдот, әзілдер: 2
Аңыздар: 1
Эсселер: 8

Отан қуат Отбасы шуақ 
Немере етін жеп, сүйегін қалдырады.
Өз балаңды өскенше бағасың,
Немереңді өлгенше бағасың.
Еркек сергек ұйықтаса, ырыс бітеді,
Әйел сергек ұйықтаса, жұмыс бітеді.
Келінің жаман болса, ұлыңнан көр.
Күйеуің жаман болса, қызыңнан көр.
Балам – балым,
Баланың баласы – жаным.
Атаның көңілі балада,
Баланың көңілі далада.
Бала қадірін балалы болғанда білерсің.
Балаға пышақ бермесең бір жылар,
Берсең екі жылар.
Ат болатын тай саяққа үйір,
Адам болатын бала қонаққа үйір.
Сүйгенін шұнағым дейді.
Жақсы әйел жаман еркекті ер қылады,
Жаман еркек жақсы әйелді жер қылады.
Жақсы таз басын жасырмайды,
Жақсы әйел асын жасырмайды.
Өз жұрттың - күншіл,
Нағашы жұрттың – сыншыл,
Қайың жұрттың міншіл келеді.
Қартың болса, жазып қойған хатпен тең.
Қарындасқа бұрмағанның қары сынсын.
Үй ішінен жау шықса,
Тұра қашып құтылмассың.
Тұлпардың өз тұяғы өзіне дәрі.
Ине өткен жерден жіп өтер.
Інісі бардың тынысы бар,
Ағасы бардың жағасы бар.
Төркін десе қыз төзбейді,
Көкпек десе түйе төзбейді.
Апасының киген тонын сіңлісі де киер.
Ата – баланың қорғаны.
Атаға баланың алалығы жоқ.
Енесі тепкен құлынның еті ауырмас.