Өлеңдер ✍️

Асқынған кезде қоғам мен ғасыр кеселi,
Айқайлап шыққан арысты жасын деседi.
Ақиқат өлiп, арамдық жайлаған елде
Ақынның тiлiн кеспейдi, басын кеседi.
Билiктiң тұрсын қолында құдiрет мейлi,
Бәсiне боздақ басының құны жетпейдi.
Бұрқырап аққан қаны да айналар жырға,
Басынан басқа ақынның түгi кетпейдi.
Алды-артыңа да қаратпас айдабол заман.
Ақжайықтайын бұрқырап қайнаған ғалам.
Ақиқат үшiн, ар үшiн аттандап шапқан
Ақынның басы, апыр-ау, қайда қалмаған?