Өлеңдер ✍️

Аң патшасы – арыстанды,
Құс патшасы – бүркітті,
Бар хайуанды жанышқанды
Кімдер келіп үркітті?!
Жерде моншақ қалмас деген,
Төзім неге сарқылды?!
Тас патшасы – алмас пенен
Кен патшасы – алтынды.
Бәрін түгел адам алды,
Жер мен көкті биледі,
Алтын көрсе, талап алды,
Күміс болды сүйгені.
Жиған пенде бұйым, малын,
Келер ажал алдына.
Перғауынның шыбын жанын
Алтын сақтап қалды ма?!
Алтын сарай, күміс қорған
Баянды бақ бере алмас.
Жер бетінде ырыс толған,
Жақсы лебіз жоғалмас