Өлеңдер ✍️
  14.07.2022
  81

Автор: Ақылбек Шаяхмет

Қалғып жатса азанда қала тыныш...

Қалғып жатса азанда қала тыныш,
Алып жатса жапанда дала тыныс,
Гүлден гүлге қонғаны көбелектің
Мұның бәрі – әдемі жаратылыс.
Жаратқанның ісінен мін таба алмай,
Отырасың ешқандай сын таға алмай.
Тыңдап тұрсаң, ұшқан құс, жүгірген аң
Көп дауыспен бір әнді шырқағандай.
Жер жүзіне таралып адам аты,
Құт боп келсе төккен тер, табан ақы.
Жарық жұлдыз, жаққан шам, ойнаған жай,
Мұның бәрі – Алланың ғаламаты.


  тыныштық қалғу қала Ақылбек Шаяхмет Ақылбек ШАЯХМЕТ өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Тап болсаң да фәнидің қорлығына... ᐈ
  Астар мен тыс ауысып жатқан кезде... ᐈ
  Күн нұрындай шұғыласын төккенде... ᐈ
  Кеткен ғұмыр қайта айналмас десек те... ᐈ
  Ебін тауып, жеті жолдың бірімен ᐈ

Пікір жазу