Өлеңдер ✍️

Белді будың, мақсат қудың, көкседің,
Жидың-тердің, күйдің, түйдің, екшедің,
Жетпей қалған ойың емес тек сенің!
Құрмет көрдің, басты мұжып, жамбас жеп,
Бата да алдың еш жамандық болмас деп.
Өткен күннің орны толық толмас тек.
Тұнық судан, кәусар, зәмзәм, шәрбаттан,
Кезің болған шөлің қанып, дәм татқан.
Тірлігіңе болмас, бірақ, ол мақтан.
Ойлап қара, қандай едің сен кеше,
Түнде ұйқың, күндіз күлкің келмесе,
Жүрегіңде ауыр мұң бар ендеше.
Бұл фәниде басылса да желігің,
Қанша қызық болса-дағы өмірің,
Келешекке жетелейді сенімің