Өлеңдер ✍️

Адам боп баста жаралдым,
Анамды еміп, нәр алдым,
Жасадым жастан еңбек көп,
Байлықты жидым тірнектеп,
Ойнадым, күлдім, дем алдым,
Ішіне кіріп қамалдың,
Үлде мен бүлде орандым,
Кей кезде жолда тоналдым,
Ақырын күтіп амалдың,
Аузына түспей аранның,
Ойға да талай қамалдым,
Тәубаға тіреп ат басын,
Жаңылмай ашып қақпасын,
Салқыны есіп самалдың,
Аллаға қайтып оралдым.
Қадірін білмей тыйымның,
Қатардан қалмай киіндім,
Жемтікті көрсем, шүйілдім,
Шешуін тауып түйіннің,
Қызыққа батсам, сүйіндім,
Кездескен кезде бетпе-бет
Достарым қалса өкпелеп,
Шырайын бұзып жиынның,
Келмеді тіпті иілгім,
Арада жылдар өткен соң,
Алыстап жастық кеткен соң,
Кесірін тартып қиынның,
Қатемді біліп күйіндім,
Арамнан енді тыйылдым,
Аллаға ғана сыйындым.