Өлеңдер ✍️

Жаныма жақын жандайсың жаным,
Қандай шыдамың,
Ардай сыңарым.
Тағдырдың уын татып көрмеген
Балдай шырағым.
Күн болып шыққан күнім дейін бе,
Қырқада өскен гүлім дейін бе?..
Өткінші күннің өкпек желінен —
Түңілмейін де.
Ай болып туған айымдаймысың,
Ай аймалаған кайыңдаймысың?..
Сүйіп қалғанмын,
Жиып та алғанмын —
Ғапыл ғаламның уайым-қайғысын.
Сыңардың сырын сырлас ұқпады,
Мұнарамызды мұң басып қалды.
Тоспайды көңіл шырынын ғана
Қоспайды өмір шын ғашықтарды.
Баянсыз күннен бақыт көрмеген,
Дүлдүлің өтер уақыт кермеден.
Ардай сыңарым,
Балдай шырағым —
Тағдырдың уын татып көрмеген...