Өлеңдер ✍️

Жоғалттым мен өзімді өзім. Бар шыным!
Тыныш өмір, мейірімге мұқтаж боп.
Ғұмыр өтті сабындай боп қамшының
Ол да болса көңілімнен шыққан жоқ.
Жаным сүйген жарығымды таптым мен,
Ол бақытым болды бірақ шоп-шолақ.
Жүрегімді шырқыратып қақ тілген
Сезімімді қалдым әрең ноқталап.
Өмір нені сақтады екен соңына?!
Елестетем ажалымның кейпін мың.
Сезім деген өзім едім. Оны да
Амалым жоқ, қимай-қимай өлтірдім.
Жерлесем де жаназасын шығарып,
Жазығы жоқ сол бір байғұс сезімнің
Қу сүйегі қалса дағы қуарып
Тірілтеді жалғыз сөзің өзіңнің…