Өлеңдер ✍️
Өлеңдер ✍️
10.02.2022
95
САҚСЫНДЫРУ
Керім,
Келдің қырыққа,
Пайғамбарлықпен құрдассың.
Түссең алтын құрыққа,
Қас қағым сәт тұрмассың.
Дүние тас қараңғы,
Қараңғыда қалтақтап,
Тура бетке ап молаңды,
Таяп қалдың талтақтап...
Мүрдең аузын күзетіп,
Мүмкін, үстінде отырсың.
Қоймайсың-ау тыз етіп,
Әй, соқырсың,
Соқырсың!..
Керім, қамдан!
Қалықта ән
дүниенің үстінде.
Жалғанынан жалыққан,
Ұшады екен құс түнде...
Кері-ім, қамдан!..
Әлеуметтік желілерде бөлісіңіз:
Facebook | VK | WhatsApp | Telegram | Twitter