👈 қаріп өлшемі 👉

  Өлеңдер ✍️

  17.10.2021
  39


Автор: Исраил Сапарбай

Өткен күннiң есте қалар қай күнi

Өткен күннiң есте қалар қай күнi,
Аққудың да суалмай ма айдыны?
Төлегенше кiм сүйедi Жiбектi?
Мəжнүн болып кiм iздейдi Лəйлiнi?
Бұлбұл қайтсiн жадау-жүдеу жат бақты?
Кiм өмiрден басыбайлы бақ тапты?..
Таңдай қағып Ақан серi айтпаса,
Əнге айналып кетер ме едi Ақтоқты?!
Кiм арманда,
Кiм шерменде жалғанда?
Сұлулыққа арбалмайтын жан бар ма?!
У мен зəрiн ұсынбаса қу дүние,
Шекең шылқып шербетке əсте қанған ба?..
Кiм аймалап,
Кiмдер менi баурады?
Жалғыздықтан жаным қанша жаурады?..
Адам қайта қуана ма жасарып,
Заман қайта туа ала ма Лаураны?
...Маған да бiр керек едi Мадонна,
Таба алмасам тағдырға мiн тағам ба?
Маңдайыма жазылған бiр Махаббат
Бəлкiм, бəлкiм, жүрген шығар араңда...

Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы