Өлеңдер ✍️
  26.07.2021
  144

Автор: Сырбай Мәуленов

Өзен жағасында

Жүзіп өтіп Торғайды
Қорқынышты сезінбей.
Балалар суда ойнайды
Баяғы күнгі өзімдей.
Балақтарын түрініп,
Жапырлай тарап жан-жаққа.
Шегіртке қуып жүгіріп,
Жем іздейді қармаққа.
Балықты қайтса мол алып,
Олжаға батып болар мәз.
Ойқой, шіркін, балалық,
Бұл не деген жомарт жаз!
Тәйірі, оған бәрібір,
Аңызақ күннің қызуы.
Өзенде ойнап әлі жүр,
Өзінде барлық қызығы.
1956


  өзен жаға торғай сырбай мәуленов Сырбай Мәуленов шығармашылығы Сырбай Мәуленов өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Зырлап кетіп барады ᐈ
  Жылады аспан күз күні ᐈ
  Киік ᐈ
  Әбіқай ᐈ
  Астана мерекесі ᐈ

Пікір жазу