Өлеңдер ✍️
Өлеңдер ✍️
10.02.2023
81
Бүгін тағы саған келдім....
Бүгін тағы саған келдім кешқұрым,
(мен кешкендей сағынышты кешті кім?)
Бəріне де көнем, қалқам, бірақта,
Қоштасқалы маза бермес ескі мұң.
Сені әлі де түсінбеппін тегі мен,
Кейде тіпті түсінуге ерінем.
Маңдайыма жазылмаған жұмағым,
Дос болуым – қиямет қой сенімен.
Сағынышым, жүрегімнің айт емін,
Жанарымда шайқалып тұр Ай-көлі.
Біз екеуміз дос болғанша, дұрысы,
Танымайтын адам болсақ қайтеді?..
Бүгін тағы саған келдім кешқұрым,
(Мен кешкендей сағынышты кешті кім?)
Дос болуға шақырмашы сен мені,
Достықпенен сүю қиын,
Кеш, күнім...
Әлеуметтік желілерде бөлісіңіз:
Facebook | VK | WhatsApp | Telegram | Twitter