Бөлім: «Нақыл сөздер»

Жақсы істер туралы ойлап əуре болма, одан да жақсылық жасай бер.

Сəтсіздік – үлкен төре тəрізді соңынан шұбатып төлеңгіт ертіп жүреді. Сəтсіздіктің сіңлісі – ең ізгі жүректің өзін ашу мен қатігездікке жеңдіретін..

Махаббат туралы жазудың ең жайлы жолы – оны ойдан шығару.

Кіріптарлықтың астарында көп еркіндік жатуы мүмкін, тəуелсіздік дегеніміз – шын мəніндегі құлдық болып шығуы да мүмкін.

Сенімнің аздығы ұдайы жігерлі болып керінуге мəжбүр етеді.

Біздің дəуіріміз – пайдаға табынушылығымен қатігез.

Жазып біткенде – жаным да шығады: осыған қуанамын.

Ер бала ер адамнан гөрі батылдау келеді, өйткені ол əлі – балаң, ал есею көп ретте кісіні қарабайыр жəне пайдакүнем ете түседі.

Əдептілердің арасында айлакерлер де аз кездеспейді.

Кімді жақсы білсең – сонымен сиысуың қиынға түседі.

Өзіне-өзі құмар жанды алдау да жеңіл.

Тəттіқұмар үшін тəттінің өзі ащыға айналады.

Бет қайтара білмеген кісінің терең лəззат алуы да мүмкін емес.

Көп ойлағанның – жауы да көп.

Өзім ұнағым келетін жəне ұнауға тырысып жүрген адамды мен жеңімпаз ретінде қабылдаймын.

Бірдеңе істегісі келген адам жұрт не дер екен деп бас ауыртып жатпайды: ойланбастан басын бəске тігеді.

Өзін əлсіз сезініп көрмеген адам, құдайдан да хабарсыз келеді.

Суреткер мен қоғам арасындағы қарым-қатынас жайлы болса – суреткер жылдам күш-қуатынан айрылады. 

Аса бір нəзік жəйді қозғамақ болғанда, көбіне нəзік сөйлей алмай қиналамыз.

Өзімізге өзіміз ұнай алсақ, өзгелерге де ұнау мүмкіндігіміз арта түседі.

Бақытты адам үнсіз келеді.

Əйел сүйкімді көрінген сайын – зорая түседі, ал сүйікті еркек – қашан да кіші көрінеді.

Ерке жандар өзімшілдігіне тиіп кетсе болды – жантүршігерлік қиналысқа түседі.

Кешіруге болмайтын қылық үшін құрметтейді.

Əдетте қарапайымдылықтың сыртында күш тұр деп ойлайды.