Өлеңдер ✍️
Өлеңдер ✍️
22.02.2022
306
ЕЛЕСТЕР ШАҺАРЫ
Шуақ шаша келер кейде,
«Өмір түнек емес!» – деп.
Көшелерде саған бейнем,
Маған бейнең елестеп.
Өң мен түстің арасында
Сенделерміз екеуміз.
Елестердің қаласында
Сағым болып өтерміз.
Сағыныштан еріп кетіп,
Жеріп кетіп аңсаудан.
Көз алдына келіп-кетіп,
Жоғалармыз қарсы алдан.
Сосын ұзақ қарап тұрып,
Қош айтармыз сағымға.
Тоқтатуды қалап тұрып,
Жұтылармыз ағынға...
Әлеуметтік желілерде бөлісіңіз:
Facebook | VK | WhatsApp | Telegram | Twitter