Өлеңдер ✍️

Сұрағым да көп,
Жауапсыз лағып, сенделген.
Жыладың ба деп,
Аяйтын сезім менде өлген.
Барлығы жым-жырт,
Былығып біткен тірлігім.
Бір-бірін құл ғып,
Жер бетін кезді жынды мұң.
Арғымақ мініп,
Адыр-адырмен желген күн,
Балқұрақ тынып,
Соғатын еді жел де еркін.
Елеске айналды,
Көңілім шалқып, күлген күн.
Егес қайдағы...
Күрсініп, білек түргенмін.
Санада ой көп,
Бірі бар, бірі жоғалған.
Қалада той боп,
Ауылдың көркі тоналған.
Айнала ың-жың,
Беймаза болған тірлігім.
Пенделер ым-жым,
Ұқсастар тауып, бір-бірін.