Өлеңдер ✍️

Бір солдың, бір көгердің,
Сенде бар ғой келер күн.
Мен солсам-мәңгі өлермін,
Көз жасын сонда төгер кім?!

Маған төнсе мұнар күн,
Жасын төгіп жылар кім?!
Жылда қайта көктейтін,
Жапырақ-ғұмыр, құмармын.

Толғатқанда сәуір ай,
Қаулайсыңдар жамырай.
Сәби шақты аңсайтын,
Уай, алдамшы көңіл-ай.

Жыл он екі ай толғанда,
Жапырақ орны-орманда...
Қайтып келмес өмірге
Адам ғана арманда.

ЗЕЙНОЛЛА ӘКІМЖАНОВ

"ЖЕРҰЙЫҚ" ӨЛЕҢДЕР ЖИНАҒЫ. 1993 ЖЫЛ. 46-БЕТ