Эсселер ✍️

                                               "Махаббат, қызық мол жылдар" романы

          Қазақ халқы қашанда өте өнерлі халық. Оған дәлел қазақ тарихының қай ғасырын алып қарасақ та түрлі дана тұлғаларды, яғни ақындар мен жазушыларды көреміз. Мысалға, қазақ әдебиетінің інжу-маржандары Ғабит Мүсірепов, Мұқағали Мақатаев, Фариза Оңғарсынова және бұл мақаланың басты кейіпкері Әзілхан Нұршайықов т.б.

         Әзілхан Нұршайықов 1922-2011 жылдар аралығында өмір сүрген қазақтың сүйікті қаламгерінің бірі. Атақты жазушы 1941-45 жылдары өткен Ұлы Отан соғысының майдангері. Найман тайпасы Бура руынан шыққан Нұршайықовтың шығармалары аудандық, облыстық сонымен қатар республикалық газеттерде басылып шығарылған-ды. Ал. енді ең атақты туындысына тоқталайық! 

    "Махаббат, қызық мол жылдар" романы! Жазушы аталмыш туындыны Абай Құнанбаевтің " Құдай-ау қайда сол                                                                                                                              жылдар,

                                                                                                                 Махаббат, қызық мол                                                                                                                         жылдар

                                                                                                                 Ақырын-ақырын шегініп 

                                                                                                                 Алыстап кетті-ау                                                                                                                             құрғырлар" - деген өлең жолдарына сүйене отырып бастаған екен. Романның басты кейіпкері-Ербол және Меңтай.

             Ербол- 4 жылға созылған алапат соғыстан 12 мүшесі сау келген аздаған жауынгердің қатарында. Әлбетте, Ербол қайтпас қайсар рухы бар нағыз ержүрек батыр, алайда сол қайсарлықтың астында қазақтың қой аузынан шөп алмайтын момындығы жатыр. 

             Меңтай- әкесінен бала күнінде, ағасынан сұм соғыстың, анасынан қайғы-қасіреттің кесірінен айырылған тағдыры ауыр қазақ қызы. Дегенмен, бұл ауыр тағдыр анасының ақыл-өсиеттерін жанына тоқыған нәзік жанның адами қасиеттеріне дақ түсірген емес! 

          Нағыз махаббат символына айналған бұл туындыны бүгінде оқымаған қазақ кемде-кем. Аталмыш романның халық арасында танымалдылығы сонша, осыдан 2-3 жыл бұрын Қазақстан Ұлттық арнасында кітапқа негізделіп түсірілген телехикаясы жарық көрді. Сонымен қатар "Махаббат, қызық мол жылдар" романы отандық театрлардың сүйікті қойылымына айналды.