Электрсыйымдылығы. Конденсатор түрлері мен құрылысы. Конденсаторларды параллель және тізбектей жалғау. Физика, 10 сынып, дидактикалық материал.

Есептер шығару.

Тақырып «Конденсаторлар»

• Конденсаторды 1,4 кВ кернеуге дейін зарядтағанда ол 28 нКл заряд болатын болса, конденсатордың сыйымдылығы қандай?
• Мектеп конденсаторының ең үлкен сыйымдылығы 58 мкФ. Оны 50 В-қа тең тұрақты кернеу көзінің полюстеріне қосқанда ол қандай заряд жинақтайды?
• Конденсаторда 100 пФ; 300 В деген жазу бар. 50 нКл заряд жинақтау үшін осы конденсаторды пайдалануға бола ма?
• Диаметрі 3 см болатын өткізгіш шардың электрсыйымдылығын анықтаңыз. Шар ауада орналастырылған.
• Конденсатордың пластиналарының жұмыстық аудынын 2 есе, ал олардың арақашықтығын 3 есе кемітсе, конденсатордың сыйымдылығы қалай өзгереді?
• Егер пластиналардың арасындағы парафинделген қағаз қабатының орнына қалыңдығы сондай жалпақ слюданы пайдаланса, конденсатор сыйымдылығы қалай өзгереді?
• Ауа конденсатордың пластиналары арасындағы кеңістікке қатты диэлектрикті енгізгенде конденсатордың кернеуі 400 В-тан 50 В-қа дейін кеміген. Диэлектриктің диэлектрлік өтімділігі қандай?

Есептер шығару.

Тақырып «Конденсаторлар»

•  Сыйымдылықтары C₁ = 20 мкФ, С₂ = 25 мкФ және С₃ = 30 мкФ конденсаторларды тізбектей жалғанған. Тізбектің жалпы электрсыйымдылығын анықтаңыз.
•  Әрқайсысының сыйымдылығы 2 мкФ болатын 100 конденсатор параллель жалғанған. Жалпы сыйымдылықты анықтаңыз.
•  Батареяның сыйымдылығы 160 пФ болу үшін сыйымдылығы 800 пФ конденсаторға тағы да қандай сыйымдылықты конденсаторды тізбектей жалғау керек?
•   Сыйымдылықтары сәйкесінше C₁=0,1 мкФ, С₂=0,4 мкФ және С₃=0,52 мкФ болатын конденсаторлар тізбектегідей жалғанған. Конденатор батареясының электрсыйымдылығын анықтаңыз.

•  Сыйымдылықтары С₁=С₂=2мкФ, С₃=С₄=С₅=6мкФ болса, конденсаторлар батареясының сыйымдылығы қандай?

•  Суретте берілген конденсаторлар батареясының жалпы сыйымдылығын анықтаңыз. Әр конденсатордың сыйымдылығы C=1 мкФ.

•  Сыйымдылықтары С₁=5 мкФ және С₂=8 мкФ конденсаторлар тізбектей жалғанып, ЭҚК-і ε=80 В болатын ток көзіне қосылған. Конденсаторлардағы q₁ және q₂ зарядтарды және әр конденсатордың пластиналарының арасындағы потенциалдары айырымын U₁ және U₂ анықтаңыз.