Жыл басына таласқан хайуанаттар. Қазақ тілі (орыс сыныбы), 1 сынып, сабақ жоспары.

Пән: қазақ тілі

Ұзақ мерзімді жоспар бөлімі:

6-бөлім: «Салт-дәстүр және ауыз әдебиеті»

Күні:

Сынып: 1

Мектеп: Талдықорған қаласындағы

физика-математикалық бағыттағы

Назарбаев Зияткерлік мектебі

Мұғалімнің аты-жөні:

Г.Т.Жакупова, А.Н.Баримбекова

Қатысқандар саны:

Қатыспағандар саны:

Сабақ тақырыбы

Жыл басына таласқан хайуанаттар

Осы сабақта қол жеткізілетін оқу мақсаттары (оқу бағдарламасына сілтеме)

1.5 Тыңдау-көру материалдарының мазмұнын түсіну.

1.1.5.1 Қимыл-қозғалыс, сұрақ қою, қысқа жауап арқылы тыңдаған/көрген мәтінді түсінгенін білдіру.

Сабақ мақсаттары

Барлық оқушылар: тыңдау-көру материалының мазмұнын түсінеді, түсінгенін қимыл-қозғалыс арқылы білдіреді.

Көптеген оқушылар: көріп тыңдаған материал бойынша сұрақтар қояды, түсінгенін қысқа жауап арқылы білдіреді.

Кейбір оқушылар: сұрақтар қояды және жауап береді, суреттер арқылы ертегінің мазмұнын айтады.

Бағалау критерийлері

• Тыңдалым материалының мазмұнын түсіне алады;
• Мазмұны бойынша сұрақтар қоя алады;
• Түсінгенін қимыл-қозғалыс, қысқа жауап арқылы білдіреді.

Тілдік мақсаттар

Пәнге тән лексика мен терминология: жылдың басы, талас, таласыпты, хайуанаттар, пайдалы, қулық, бәрінен бұрын, құр қалыпты.

Диалог пен жазу үшін пайдалы сөздер мен тіркестер:

Бқл не? Ол қандай хайуанат?

Оның адамға пайдасы қандай?

Құндылықтарды дарыту

Ертегілерді нақышына келтіріп баяндауды үйретіп, рухани құндылықты дарыту;

Бір-бірін тыңдай білуге үйрету.

Пәнаралық байланыстар

Әдебиет

АКТ қолдану дағдылары

Бастапқы білім

Ертегілер әлемінде

Сабақ барысы

Сабақтағы жоспарланған іс-әрекет

Оқушыларды сабақтың мақсатымен таныстырып өту.

«Шаттық шеңбер» құрып, оқушылар өздері оқыған ертегілер мен кейіпкерлер туралы айтады.

Сөздік: ертегі, кейіпкер, мейірімді, ақылды, жағымды, пайдалы, т.б.

– Сен қандай ертегі оқыдың (білесің)?

– Оның бас кейіпкері кім (не)?

– Ол қандай?

Тыңдалымалды тапсырма.

Оқулықпен жұмыс: 64 бет.

– Қандай хайуанаттарды көріп тұрсыңдар? (тышқан, түйе, қой, сиыр, ит, жылқы, барыс, әтеш (тауық), т.б.)

– Олар (ол) қандай?

– Бұл жануарлар – «Жыл басына таласқан хайуанаттар» ертегінің кейіпкерлері.

Оқушылар ертегі кейіпкерлерін сипаттайды, жаңа сөздермен танысады: жылдың басы, талас, таласыпты, хайуанаттар, пайдалы, қулық, бәрінен бұрын, құр қалыпты.

Тыңдалым

«Жыл басына таласқан хайуанаттар» ертегіні көреді, сұрақтарға жауап береді. Қабылдау деңгейі жоғары оқушылар слайдтарды пайдаланып ертегі мазмұнын айтады.

– Ертегі қалай басталады?

– Хайуанаттар өздері туралы не айтады?

– Түйе неге жыл басы бола алмады?

Бағалау критерийі:

• Тыңдалым материалының мазмұнын түсіне алады;
• Мазмұны бойынша сұрақтар қоя алады;
• Түсінгенін қимыл-қозғалыс, қысқа жауап арқылы білдіреді.

Сергіту сәтін жүргізу.

Тыңдалымнан кейінгі тапсырма

1-тапсырма. Сөйлемдердің ретін анықта.

2-тапсырма. Сұраққа жауабыңды жаз.

Қандай жануар жыл басы болады? ...................................................................................

3-тапсырма. Жануарларды атап жаз.

4-тапсырма. Cуреттер мен сөйлемдерді сәйкестендір.

Сабақ соңында түрлі смайликтер арқылы рефлексия жүргізіледі.

Үйге тапсырма: «Жыл басына таласқан хайуанаттар» ертегісін оқу.