Біз – әрқашан біргеміз! Дүниетану, 3 сынып, сабақ жоспары.

Пән: Дүниетану

Ұзақ мерзімді жоспар бөлімі:

2-бөлім «Адамгершілік»

Мерзімі: 1-тоқсан

Сынып: 3

Мектеп:

Модератор: Сейтахметова Ж.М.

Қатысқандар:

Қатыспағандар саны:

Сабақ тақырыбы

Біз – әрқашан біргеміз!

Осы сабақта қол жеткізілетін оқу мақсаттары (оқу бағдарламасына сілтеме)

3.1.2.1 Сыныптың өзін-өзі басқару ережелерін түсіндіру және өз нұсқасын ұсыну.

3.1.2.2 Түрлі көзқарастар жағдайында сыныпта ұжымдық шешімді қабылдау жолдарын түсіндіру.

Сабақ мақсаттары

Оқушылар

• Сыныптың өзін-өзі басқару ережелерін құрастырады;
• ұжымдық шешім қабылдайды.

Бағалау критерийлері

• Сыныптың өзін-өзі басқарудың негізгі ережелерін құрайды;
• Бірге шешім қабылдай алады.

Тілдік мақсаттар

Оқушылар:

- өзін-өзі басқарудың әдеп нормаларын түсіндіреді және өз нұсқасын ұсына алады.

Терминология:

• Өзін-өзі басқару
• Ұжымдық шешім
• Құқық және міндет
• Мектеп қауымдастығы

Талқылауға арналған сұрақтар:

- «Өзін-өзі басқару» сөзіне түсінік бер.

Жазуға берілетін тапсырма:

• Сыныптың өзін-өзі басқарудың негізгі ережелерін құрастыру

Құндылықтарды дарыту

Ұжымда түсіністік пен қолдаудың, бірлесе әрекеттегі сыйластықтың маңыздылығын түсінеді.

Ынтымақтастық– шешім қабылдауда бірлесе жұмыс жасай білуден көрінеді.

Пәнаралық байланыстар

Қазақ тілі: байланыстырып сөйлеу дағдыларын дамыту.

Өзін-өзі тану: ұжым мүшесі болу және көшбасшылық қасиеттері.

Алдыңғы меңгерілген білім

Мектеп қауымдастығы, мектепте өзін-өзі ұстау ережелері туралы негізгі білімдері бар. 2- сыныпта «Менің отбасым және достарым» тарауында «жауапкершілік» , «құқық», «міндет» деген ұғымдар туралы түсінік алған.

Сабақ барысы

Сабақта жоспарланған іс-әрекет

• Құмырсқалар туралы бейнежазба (ұжымда)

Оқушыларға құмырсқалар туралы бейнежазбаны көру ұсынылады. Көрер алдында оқушыларға бейнежазбаны көру барысында байқаған құндылықтар/немесе сұрақтар/немесе ойлар жазатын стикерлер таратылады.

• «Менің пікірім» стратегиясы (жұпта, ұжымда)
• Бейнежазбаны көріп болғаннан кейін, алдымен жұбымен, кейін ұжымда өз жазбаларымен бөліседі.
• Бейнежазбаның негізгі ойын талқыланады. Оқушылар өз стикерлерін «кері байланыс ағашына» жабыстырады.

Талқылауға арналған сұрақтар:

-Ұжым деген не?

-Біздің сыныпты ұжым деп айтуға бола ма?

-Сыныпты кім басқарады?

• Сабақ мақсатын анықтау(ұжымда)
• Сабақ тақырыбы мен мақсаты жайлы оқушылардың болжамдары айтылады
• Сабақ мақсаты ұсынылады:
• Сыныптың өзін-өзі басқару ережелерін құрастыру;
• Сыныпта ұжымдық шешімді қабылдау жолдарын айқындау.

• «Шыбықтар» практикалық көрсетілім (топта)

Мұғалім 4-топқа бір қорап шырпыдан (сіріңке) таратады. Шырпыны қолдануда қауіпсіздік ережесімен таныстырады. Мынадай жағдаят беріледі:

-қораптан барлық шырпының шиін алып шығып, барлығын бірге ұстап сындырып көр;

- шырпының бір бас шиін алып сындырып көр;

- мұғалім «Сыпырғыш» аңызын айтып береді.

Талқылауға арналған сұрақтар:

- Неге шырпының бірнеше шиін қосып сындырғаннан, бір бас шиін сындыру оңай?

- «Бірге болу» деген нені білдіреді?

• Сендер бірге не істейсіңдер?

• Мәселелік жағдайды шешу (топта)
• 4-топқа арналған мәселелік жағдайлар таратылады.
• Оқушылар топта мәселені шешіп, ортақ бір шешімге келулері тиіс.
• Әрбір топтың шешімі талқылауға түседі.

Бағалау критерийлері:

• Бірге шешім қабылдай алады.

• «Елсіз арал» ойыны

-«Елсіз арал» ойыны арқылы әр топқа «аралда» өзін – өзі ұстау ережесін құрастыру ұсынылады. Ұсынылған ережелер арқылы мұғалім оқушылармен бірлесе сыныптың ережесін құрастырады. Оқушылар артығын алып, толықтырулар енгізіп, ұжымды түрде ортақ бір шешім қабылдайды.

- «Өзін-өзі басқару», «ұжымдық шешім», «ымыраға келу», «өзара құрмет» ұғымдары талданады. Оқушылар күнделікті өмір дағдыларынан мысалдар келтіріп, дәлелдейді.

Бағалау критерийлері:

• Сыныпта өзін-өзі ұстау ережелері құрастырылады.

Рефлексия (жеке):

«Нысана»

Әр оқушыға нысана суреті бар парақтар таратылады. Оқушылар сабақ барысындағы өзінің іс-әркетін өзіндік бағалау арқылы нысананың әр бөлігіне белгі қоюы керек.

Дифференциация – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Бағалау – оқушылардың материалды меңгеру деңгейін тексеру жоспарыңыз?

Денсаулық және қауіпсіздік техникасының сақталуы

Сабақ барысындағы әртүрлі сипаттағы тапсырмалар оқушылардың әртүрлі қабілеттерін көрсете алуына жағдай туғызады. «Достар тобы» – достарды бірге немесе бөлек ұстау. Осыған орай, оқушылар шешімді бірге қабылдай алулары үшін, бірге жүретін достарды әр топқа тарату. Осылайша, топта келіспеушіліктер мен дауласулар болуы мүмкін анағұрлым өмірлік жағдай туындайды.

Бағалау және кері байланыс беру сабақтың өн бойында жүріп отырады.

№6 тапсырмада оқушылар бір бірін «Бағдаршам» стратегиясы арқылы бағалайды.

Ережелер түсініксіз

Әлі де жақсартуға болады

Керемет ережелер

Оқушыларға сіріңкені қолдануда қауіпсіздік ережелерін естеріне түсіру.

Оқушылар сынып бөлмесінде қозғалу барысында, топтық жұмыс барысында қауіпсіздік техникасы сақталады.