Біз – әрқашан біргеміз! Дүниетану, 3 сынып, дидактикалық материал.

Бір атайдың үш ұлы болыпты. Олар бір-бірімен сыйыспайды екен. Атай өзі өлгеннен кейін ұлдарының бірлікте, тату өмір сүргендерін қалайтын. Ол мұны оларға үйретуге бел буды.

Бірде, атай оларды шақырып алып, сыпырғышты екіге бөліп сындыруды өтінді. Алдымен үлкен ұлы сыныдрмақшы болды, қанша тырысқанмен сындыра алмады. Кейін ортаңғы және кіші ұлы да тырысты, сындыра алмады. Сонда әкелері сыпырғышты шешіп, әр баласына бірнеше ғана шыбығын сындыруды өтінді. Олар оп-оңай сындыра салды.

Сонда әкесі былай деді:

- Міне балаларым, өмірде де дәл осылай. Егер бірге болсаңдар, сендерді ешкім де сындыра алмайды, ал жеке болсаңдар, жаңағы сыпырғыштың шыбығындай оңай сындырады.

№1 ТОП

№2 ТОП

Сендерге сыныпқа жаңадан оқушы келді. Ол өте ұялшақ және сыныпқа үйрене алмайды. Сендер қандай бірлескен шешім қабылдайсыңдар?

Мұғалімдер күнімен мұғалімдерді құттықтау қажет. Мұны қалай жасайсыңдар? Бірлескен шешім қабылдаңдар.

№3 ТОП

№4 ТОП

Асханадағы тамақ сыныптың жартысына ұнамайды, ал жартысы оны қалыпты деп санайды. Сендер қандай бірлескен шешім қабылдайсыңдар?

Ағаштар отырғызуға көмектесетін 5 оқушыны таңдап алу керек. Кімді жібересіңдер? Неліктен оларды таңдадыңдар? Олар бұл шешіммен келісе ме?