Қазақша өлең: Мен - қазақпын!!!

Қазақша өлең: Мен - қазақпын!!! казакша Қазақша өлең: Мен - қазақпын!!! на казахском языке

Мен - қазақпын, Абаймын, Құнанбаймын!
Мәнгілік құламайтын шынардаймын.
Құлағы кереңдер естіп алсын.
Мың мәрте қазақпын деп ұрандаймын.

Мен - қазақпын, Абылай, Жәнібекпін!
Ұлылықты ұрпаққа тәлім еттім.
Орыс құрған орданы бұзып шығып,
Нұрсұлтандай қазақты ханым еттім.

Мен - қазақпын, Қайратпын, елім деген,
Ел үшін ешнәрседен шегінбеген.
Мен қазақпын деп тұрғам қаймықпастан,
Бетпе бет келген кезде өлімменен.

Мен - қазақпын, Шаханов Мұхтар едім,
Ешкімнен сескенбедім, бұқпап едім.
Колбиндей шүрегейге бой берместен,
Ұлтым деп ұрандатып шыққан едім.

Мен - қазақ, шоқ боп батып, от боп аттым,
Жаңаөзенде өз елімді оқ боп аттым.
Сонда да өз ұлтымнан безінбеген,
Мен - қазақпын, Тоқтармын, Бекполатпын!

Мен - қазақпын, Заманбек, Алтынбекпін!
Аямай жан бергенмін, халкым деп мың.
Кейбіреуше атақ пен байлық жимай,
Жарқын келіп, өмірден жарқын кеттім.

Мен - қазақпын, Жүрсінмін, Айтақынмын!
Айтыста Алаш мұңын айтатынмын.
Ораз боп кетсем дағы оралмасқа,
Жаңғырып Жандарбек боп қайта тудым.

Мен - қазақпын, Айбекпін, Балғынбекпін!
Елді жырлап батасын алдым көптің.
Ел мұңын естіртем деп кереңдерге,
Арасында қалғанмын сан дүрмектің.

Мен - қазақпын, Ринатпын жанған ұлмын!
Шындық әнін Шынболатша салған ұлмын.
Патшаға дат айтам деп, қаймықпастан,
Сан айтыстан шеттеліп қалған ұлмын.

Мен - қазақпын, Сәбира, Ләззатпын мен!
Өмірімді ауыстырдым азат кунмен.
Досым да, дұшпаным да естіп алсын,
Мен - қазақпын!
Қазакпын! Қазакпын мен...............!





KZ » Қазақша Өлеңдер жинағы, Серік Өтепбергенұлы өлеңі, мен қазақпын текст, мен қазақпын өлеңі, мен қазақпын өлеңінің сөздері, мен қазақпын өлеңінің авторы, мен қазақпын текст, мен қазақпын өлеңі, мен қазақпын өлеңінің сөздері, мен қазақпын өлеңінің авторы, Қазақша өлең: Мен - қазақпын!!!, Қазақша өлең: Мен - қазақпын!!! қазақша өлеңдер жинағы скачать бесплатно олен казакша махаббат туралы стихи на казахском языке стихи на казахском языке стихи с днем рождения на казахском языке

  • Анализ сайта www.zharar.com