Серікбай Маханов (КҮЗ БЕЛГІСІ)

 Серікбай Маханов (КҮЗ БЕЛГІСІ)

Күз белгісі , тал жапырақ сарғайған ,
Жел еседі гуілдеп кеп шалғайдан .
Боз қыраулар ізін салған бұтақтан
Ән естіледі шырылдаған торғайдан .

Үн қатады тылсым күз тықырлап ,
Аласұрып жаздың тағын сиқырлап .
Сан алуан шимайлаған бояуын
Құйып жатыр құйын келіп ұрғылап .

Кең даланың көзін тауып аптығып ,
Сілкінеді бар ашуын лақтырып .
Зуылдайды алға қарай ілгерлеп
Күздің жолын табиғатқа таңдырып .

Шаң көтеріп будақтайды қыр сызып ,
Асықтырып күн сәулесін сырғытып .
Құлап жатыр гүл шоқтары қуарған
Солып бітіп , аяқ асты булығып .

Шатқалдардан нар қамыстар шулайды ,
Жүрегінің ар – намысы тулайды .
Білеуленіп тамырыңнан соққан қан
Бір ұраға жастық шақты жинайды.

Өткен күндер көрінбейді ойлаймын ,
Болашақты арманым деп жырлаймын .
Түн ішінде күз ауласын қызықтап
Өлеңменен уақытымды ұрлаймын !

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» 2024 жылы студенттердің стипендиясы қанша теңгеге өседі
» қазақ тілі тестілеуде_келген_сұрақтар_зерттеуші
» Наурыз мейрамы Қазақстанда жаңа форматта тойланады