Қазақша өлең: Сұлтанмахмұт Торайғыров (Ақ сәуле)

Қазақша өлең: Сұлтанмахмұт Торайғыров (Ақ сәуле) казакша Қазақша өлең: Сұлтанмахмұт Торайғыров (Ақ сәуле) на казахском языке

Назды, нәзік, ақ сәуле,
Көздің жасын исең-ау!
Елжіреп жас жүрегің,
Мендей болып күйсең-ау!
Омырауы ашық ақ көйлек,
Етегі қысқа кисең-ау.
Еркелетіп, бұралтып,
Ерінге ерін тисең-ау.

Ақ тісіңді ақситып,
Махаббатпен күлсең-ау.
Ақ торғынға оранып,
Тау ішіне кірсең-ау.
Арасында гүлдердің,
Қолтықтасып жүрсем-ау.

Арасынан тоғайдың,
Түрлі жеміс терсең-ау.
Мынаны қара, жаным,— деп,
Бұралып, күліп, келсең-ау.
Мойныма келіп асылып,
Жемісіңді берсең-ау.
Жас баладай еркелеп,
Жалғыз маған сенсең-ау.
Кылығыңмен, назыңмен
Еркімді алып жеңсең-ау.
Қаз алатын қырандай,
Қайырылып мен де ілсем-ау.
Гүл, бәйшешек ішінде
Ісімді өзім білсем-ау.
Аққан бұлақ қасында,
Сәулелі күн басымда,
Бұлбұл сайрап қасымда,
Ырза болам өмірге,
Үстіп дәурен сүрсем-ау.

Бір томарға отырып,
Аяқты суға малсам-ау.
Майысқан ақ қолыңмен
Денеге су салсам-ау.
Кейде суды шашысып,
Кейде жабысып қалсам-ау.
Күлімдеп көзге көз түсіп,
Алдыма қысып алсам-ау.
Киім жапқан әлемнің
Ләззатына қансам-ау.

Үсте сәуле алтын күн,
Қоршаған тоғай нансаң-ау,
Сайраған бұлбұл бұтақта,
Кұлақ құрыш қансаң-ау!
Неше түрлі гүл иісі
Иіскеп мас боп қалсам-ау.
Керілік келмей, жаз өтпей,
Сондай түрде қалсам-ау!




KZ » Қазақша Өлеңдер жинағы, сұлтанмахмұт торайғыров Ақ сәуле өлең стихи на казахском султанмахмут торайгыров казакша олен, сұлтанмахмұт торайғыров өлеңдері, султанмахмут торайгыров стихи на казахском языке, султанмахмут торайгыров өлеңдері, Ақ сәуле, сұлтанмахмұт торайғыров Ақ сәуле өлең стихи на казахском султанмахмут торайгыров казакша олен, сұлтанмахмұт торайғыров өлеңдері, султанмахмут торайгыров стихи на казахском языке, султанмахмут торайгыров өлеңдері, Ақ сәуле, Қазақша өлең: Сұлтанмахмұт Торайғыров (Ақ сәуле), Қазақша өлең: Сұлтанмахмұт Торайғыров (Ақ сәуле) қазақша өлеңдер жинағы скачать бесплатно олен казакша махаббат туралы стихи на казахском языке стихи на казахском языке стихи с днем рождения на казахском языке

  • Анализ сайта www.zharar.com