Жарқанат туралы Жұмбақтар ✍️

Қанаты бар,
Қауырсыны жоқ.

Жауабы: Жарқанат

Тегі – тышқан.
Өзі – құстан.
Күндіз ұйықтап,
Түнде ұшқан.

Жауабы: Жарқанат

Өзі ұя салмайды,
Мекендейді шатырды.
Бау-бақшаны барлайды,
Зиянкеске батыл-ды.

Жауабы: Жарқанат

Бір құс бар жан білмейтін ішкен асын,
Адамға көрсетпейді жұмыртқасын.

Жауабы: Жарқанат

Бар екен бір мақұлық шағын ғана,
Мекені күндіз оның биік жарда.
Ұшпайды ол мақұлық күндіз тіпті,
Ұшады кешке таман күн батқанда.

Жауабы:..

Әкесі тышқан,
Шешесі құстан.

Жауабы: Жарқанат

Күндіз жоқ,
Түнде бар.

Жауабы: Жарқанат

Жар басында жарбиған,
Құлақтары қалбиған.
Тышқан, құс аңдып жүреді,
Бұл құсты кім табады?

Жауабы: Жарқанат

Күндіз ұшпас,
Түнде ұшар,
Құс қанатты,
Тышқан суретті.

Жауабы: Жарқанат

Өзi ұя салмайды,
Мекендейдi шатырды.
Бау-бақшаны барлайды,
Зиянкеске батыл-ды.

жауабы
Жарқанат

Жалаңаш болған соң,
Күн бойы бұғады.
Өзегi талған соң
Түнде ұшып шығады.

жауабы
Жарқанат

Қалқан құлақ,
Қанаты бар шатырдай.
Жардан жырақ,
Түнде ұшады батырдай.

жауабы
Жарқанат

Қалқиып құлағы,
Күндiз бұғады.
Серуенге тек,
Түнде шығады.

жауабы
Жарқанат

Түнде жортады,
Жарықта қорқады.

жауабы
Жарқанат