👈 қаріп өлшемі 👉

  Өлеңдер ✍️

  17.09.2022
  41


Автор: Танакөз Толқынқызы

Қауызын ашқан гүлге де...

Қауызын ашқан гүлге де,
Сәулесін шашқан күнге де,
Жұлдызы тамған түнге де
Атыңды ойып жазамын.
Қайыңға, діңге, тірекке,
Жапырақтарға дір етпе,
Кеудемде соққан жүрекке
Атыңды ойып жазамын.
Бұлдырап жатқан нуға да,
Құлдырап аққан суға да,
Желбіреп тұрған туға да
Атыңды ойып жазамын.
Хал сұрап тұрған тауға да,
Қалжырап тұрған бауға да,
Се жүріп өткен аулаға
Атыңды ойып жазамын.
Улаған өзің жаныма,
Тулаған мынау қаныма,
Жап-жарық жастық шағыма
Атыңды ойып жазамын.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы