Өлеңдер ✍️

Аспанға ұшып барармын әлі,
Бозарып…
Шауып…
Еңіреп…
Кеудемді қысып даламның әні,
Ғажайып шабыт кернеп.
Баратын жерге
Барармын әлі
Түндерде,
Күндіз,
Ақ таңда –
Тәкәппар көктен қарармын әлі
Жердегі жапалақтарға.
Мұң шағайын деп келген кезімде,
Керуендеп кетті ел,
Жұқлқынып,
Күйкі пендені көрген кезімде,
Керемет кектер
Тұр тұнып!
Бір кезде ел мені тыңдайды бір сәт
Тесіле қалып,
Таңданып…
Бір кезде ел мені тыңдайды бір сәт,
Есінен танып,
Арбалып!
Өмірім менің өлеңге кеткен айналып.