Өлеңдер ✍️

Ер едің ел ішінде жүрген саяқ,
Мен де жат ем өзіңе жол бөтен деп.
Жырыңды оқып, алыстан кеттім аяп,
«Неге осынша бақытсыз болды екен?», – деп.
Неге осынша тағдырың тоқсан тарау,
Рухыңда бар және бір жалғыздық.
Жүрегіңде жазылмас бір дерт бар-ау,
Шипа етіп жүрсің бе оған жыр-жалбызды.
Ұлт десе шыбын жанды аямаған,
Ұл едің арманы асқақ, мұраты асыл.
Арманды еркін қанат жая алмаған,
Жырыңа қосып мені жылатасың.