Өлеңдер ✍️

Сенің бейнең асыл нұрдан жаралған,
Көрсем болды әлдилейді сан арман,
Жанарыңнан мейірім-шуақ төгіліп,
Шартарапқа махаббат боп таралған.
Ал, келбетің жаңа жауған қардайын,
Армандарға жетелейді әрдайым.
Мені осылай тебірентіп жүре бер,
Атып келе жатқан әппақ таңдайын.
Бал сөздерің ақ маржандай төгілген,
Шолпанымсың жаңа туған көгімнен.
Есіме алсам ет-жүрегім езілген,
Ғашық едім саған бала кезімнен.
Мен жаралы жолбарыстай сезінем,
Қайта оралмас менің сәби кезім ең.
Сені ойлаумен әппақ таңды атырып,
Сені ойлаумен Аяулым-ау көз ілем.