Өлеңдер ✍️

Еліңді сүй!
Сүй еліңді!
Сезім-шың!
Ел дегенде ет-бауырың езілсін.
Ел дегенде көкірегің сөгіліп,
Ел дегенде қаныңды ойла өзіңнің.
Ел дегенде өзегіңді өрт шалып,
Тұрсын дәйім от-жанарың шоқтанып.
Ел дегенде ұйқың қашып елегзіп,
Елмен бірге қуана біл шаттанып.
Елмен бірге заман жүгін мойынға іл,
Өле-өлгенше ел-жұртыңа қайыр қыл.
Қара нардай көтеруге ауырды,
Елің үшін жан беруге дайын тұр!
Ел дегенде асау жүрек ұрғылап,
Шыбын жаның тұрсын сенің шырқырап!
Туған Отан – абыз Атаң, тұғырың,
Ғазиз Анаң –сарқылмайтын шымбұлақ..
Сенің Елің, менің Елім – байтағым,
Байтақ Дала- әз әулие, әйбатым.
Бар әлемді құшағына сидырып,
Бауыр басар қасиетін байқадым.
Қайран Елім, қайран халқым, Қас-Сагым,
Ашық болғай ала бұлттан аспаның.
Сен еліңді ерекше сүй, азамат,
Кетпеу үшін боданында басқаның.
Еліңді сүй, сүй еліңді, есті ұлан,
Қия-көкке бастайсың сен жас қыран!
Елін сүйген елге қызмет жасамақ,
Елді сүю – баршамызға басты ұран!