Өлеңдер ✍️

Біледі тіршіліктің бағасын кім?
Көтердің қуанышын, қазасын мың.
Бұлқынады өзіңдей шалқар шабыт,
Ей, теңіз, нені біліп аласұрдың?
Мұңымды айтсам қалайша ұтылмақпын?
Қамқор болып, біреудің құтын бақтың.
Салғырттау боп қарадың кейбіреуге,
Сөйтіп оның өмірін жұтып жаттың...
Ойлар мүжіп, бір толқып, бір басылдым,
Сенен басқа сырымды тыңдасын кім?!
О, Каспий, саған ғана ақтарылам,
Сен менің жанымды ұғар мұңдасымсың!..