Өлеңдер ✍️
Өлеңдер ✍️
14.07.2022
91
Саясаттың салқын сызы
Медведев қыр көрсетіп,
Сөйлеп жатыр Обама.
Тұрмаған соң көңіл бекіп,
Түсе алмадым сабама.
Патшалар да келер-кетер,
Шайтан кірсе араға,
Есіргенге жыннан бетер
Ел көңілі тола ма?
Өзін биік бағаласа,
Сәуле түспей санаға,
Алла түзу қарамаса,
Пенделері оңа ма?
Салқын сызы саясаттың
Тұз сепкендей жараға,
Жолын қусаң парасаттың,
Жаманатқа жолама!
Әлеуметтік желілерде бөлісіңіз:
Facebook | VK | WhatsApp | Telegram | Twitter