Өлеңдер ✍️

Қарайсың тауға, Микола,
Құздары көкте ұйықтаған.
Таңырқар едім біржола,
Таппасаң таныс тіпті одан...
Əдемі көлге жағадан
Үңілсең ақын сезіммен,
Алыстан саған қараған
Айни ма жарың көзінен?
Тұрпаты ірі көрінген
Тұрысын қара құзымның:
Сақалы, шашы төгілген
Секілді сенің мұжығың.
Балауса, қайың аралас
Байыптай шолсаң шың жақты,
Кестелі көйлек, алтын шаш
Қыздарың жүрген сияқты.
Қияға, достым, қарап бақ,
Көңілге түйіп соны əр күн.
Қалыңда əсем қарақат
Көздері болар солардың..