Өлеңдер ✍️
  12.07.2022
  79

Автор: Ғали Орманов

Өлеңім үйлессін деп əнге менің

Өлеңім үйлессін деп əнге менің
Сөзімді құбылдырып əрлемедім.
Жұрт ойын тербетсін деп жаздым оны,
Сол ма екен ағаттығым əлде менің?
Оны сен жазбаған соң əнге əдейі,
Дей ме екен əлденесі дəл кемейді.
Жүректі жылындырар нұры болса,
Өлеңнің əнге сірə бар ма өгейі?
Жасымас, білем, бірақ жырым менің,
Жалықпай шертсе болды сырын елдің.
Болмайды өлең əсте əннен кенде,
Халқыңның сақтай білсе жылы көңілін!


  ƏН өлең үйлесу Ғали Орманов Ғали Орманов өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Мейлі олар ете берсін мені мазақ.. ᐈ
  Қартайдым деген əңгіме ᐈ
  ЖЫР ТОЛҒАУЫ ᐈ
  АЙДАҒЫ ТАС ᐈ
  ЛЕНИН ЖАЗЫ ᐈ

Пікір жазу